اسلام آباد (این این آئی) این سی اوسی نے کورونا کی مجموعی صورتحال پر اطمینان کا اظہار کیا ہے ۔ منگل کو وفاقی وزیر اسد عمر کی ذکر صدارت این سی او سی اجلاس ہوا جس میں کورونا کی بدلتی صورتحال اور ویکسینیشن کی قومی حکمت عملی کا جائزہ لیا گیا ،اجلاس میں کورونا کی مثبت شرح اور بیماری کے پھیلاؤ کے حوالے سے بریفنگ دی گئی ۔این سی او سی نے کورونا کی مجموعی صورتحال پر اظہار اطمینان کیا ۔ این سی اوسی نے گزشتہ چوبیس گھنٹوں میں نئے کیسز اور اموات کی کم تعداد پر بھی اظہار اطمینان کیا ۔ این سی اوسی نے صوبوں کو ویکسین کے حوالے سے اقدامات مزید تیز کرنے کی ہدایات دیں ۔
