اسلام آباد (این این آئی)مشیر خزانہ شوکت ترین کو سینیٹر بنانے کی راہ ہموار ،سینیٹر ایوب آفریدی کا استعفیٰ منظو رکرلیا گیا ۔ منگل کو چیئرمین سینیٹ صادق سنجرانی نے ایوب آفریدی کا استعفیٰ منظور کرلیا۔ ذرائع کے مطابق سینیٹر ایوب آفریدی کو مشیر اورسیز لگا دیاگیا۔سینیٹر ایوب آفریدی نے کہاکہ میں نے وزیراعظم کو استعفیٰ پیش کیا تاہم مشترکہ اجلاس کے باعث انتظار کا کہا گیا، میری سینٹ کی نشست وزیراعظم کی امانت تھی، خوشی کے ساتھ واپس کیا، وزیراعظم کے صوابدید ہے جس کو چاہئیں ذمہ داری دیں، ایوب آفریدی نے کہاکہ اگر وزیراعظم کوئی ذمہ داری بھی نہیں دینگے تو کوئی اعتراض نہیں، موقع دیا قوم و ملک کی خدمت کرونگا۔
