نیویارک(این این آئی )عالمی ادارہ صحت (ڈبلیو ایچ او)نے کہا ہے کہ ابتدائی ڈیٹا سے عندیہ ملتا ہے کہ کورونا کی قسم اومیکرون دیگر اقسام کے مقابلے میں زیادہ آسانی سے ایسے افراد کو متاثر کرسکتی ہے جو ماضی میں اس بیماری کو شکست دے چکے ہوتے ہیں یا ویکسنیشن کرا چکے ہیں، مگر اس سے ہونے والی بیماری کی شدت معمولی ہوتی ہے۔میڈیارپورٹس کے مطابق ڈبلیو ایچ او کے ڈائریکٹر جنرل ٹیڈروس ایڈہانوم نے صحافیوں سے بات کرتے ہوئے کہا کہ جنوبی افریقہ سے سامنے آنے والے ڈیٹا سے اومیکرون قسم سے ری انفیکشن کے خطرے میں اضافے کا عندیہ ملتا ہے۔انہوں نے کہا کہ ایسے بھی کچھ شواہد موجود ہیں جن کے مطابق اومیکرون سے ہونے والی بیماری کی شدت ڈیلٹا کے مقابلے میں معمولی ہوتی ہے۔مگر انہوں نے زور دیا کہ کسی ٹھوس نتیجے پر پہنچنے کے لیے مزید ڈیٹا کی ضرورت ہوگی۔انہوں نے کہا کہ ہر جگہ مانیٹرنگ کو بڑھانے سے یہ جاننے میں مدد مل سکے گی کہ اومیکرون کس حد تک دیگر اقسام سے مختلف یا خطرناک ہے۔ڈبلیو ایچ او کے سربراہ نے کہا کہ اگر اومیکرون سے متاثر افراد کی شدت معمولی ثابت ہو بھی جائے تو بھی وائرس کے حوالے سے غفلت برتنا خطرناک ہوسکتا ہے کیونکہ اس کے باعث ہلاکتیں ہوسکتی ہیں۔ڈبلیو ایچ او کے ایمرجنسیز ڈائریکٹر مائیکل ریان نے کہا کہ اب تک کے ڈیٹا سے عندیہ ملتا ہے کہ کورونا کی یہ نئی قسم زیادہ متعدی ہے بلکہ ڈیلٹا کے مقابلے میں زیادہ تیزی سے پھیل سکتی ہے، مگر اس کا مطلب یہ نہیں کہ وائرس کو روکنا ممکن نہیں۔انہوں نے مزید کہا کہ اس کا مطلب یہ ہے کہ وائرس نے اپنے پھیلا کے لیے خود کو زیادہ بہتر بنایا ہے اور اسی لیے ہمیں پھیلا کے چینز کو روکنے کے لیے کوششوں کو دگنا کرنے کی ضرورت ہے۔ان کا کہنا تھا کہ چاہے یہ نئی قسم دیگر اقسام کے مقابلے میں کم خطرناک ہی کیوں نہ ثابت ہو، اگر وہ بہت تیزی سے پھیل سکتی ہے تو وہ زیادہ افراد کو بیمار کرے گی جس سے طبی نظام پر بوجھ بڑھے گا
مقبول خبریں
کسی کو دنیا کی بڑی ایٹمی طاقت کو دھمکانے کی اجازت نہیں دینگے،روسی صدر
ماسکو(این این آئی)روس کے صدر پیوٹن کی جانب سے مغربی ممالک کو جنگ عظیم کی یاد دلاتے ہوئے خبردار کر دیا گیا۔غیرملکی میڈیا رپورٹس...
غزہ کو راکھ کا ڈھیر بنانے میں بھارتی گولا بارود کا کردار بے نقاب
نئی دہلی(این این آئی)دنیا بھر میں فلسطینیوں سے ہمدردی رکھنے والوں کی تعداد بڑھنے کے ساتھ ساتھ اب فلسطینیوں کے قتلِ عام میں کردار...
عالیشان محل میں رہنے والے عرب شہزادوں کی عام سی قبریں، سوشل میڈیا حیرت...
دبئی (این این آئی)عام طور پر عرب شاہی خاندان سے متعلق یہ خیال عام ہوتا ہے کہ جس طرح ان کی زندگی عیش و...
مسلمان گورنر کو رام مندر میں سجدہ کرنا مہنگا پڑ گیا، بھارتی مسلمانوں کی...
نئی دہلی(این این آئی)بھارت میں جہاں انتہا پسندوں نے مسلمانوں کو ہراساں کرنا شروع کر دیا ہے، وہیں اپنی کرسی بچانے کے لیے بھارتی...
بیرون ملک پاکستانیوں نے اپریل میں 2.8 ارب ڈالرز بھیجے
کراچی (این این آئی)اسٹیٹ بینک آف پاکستان نے بتایا ہے کہ بیرونِ ملک پاکستانیوں نے اپریل میں 2.8 ارب ڈالرز وطن بھیجے ہیں۔یہ بات...