لاہور( این این آئی)پاکستان تحریک انصاف کے سینئر مرکزی رہنما وسابق وفاقی وزیر ہمایوں اخترخان نے کہا ہے کہ موجودہ حکومت تاریخ میں پہلی حکومت ہے جس نے وسائل محدود ہونے کے باوجود ان کا رخ عوام کی جانب موڑاہے ،وزیراعظم عمران خان کے وژن کے مطابق این اے131کے30ہزار سے زائد خاندانوں کوصحت انصاف کارڈ فراہم کی جارہا ہے ،یکم جنوری سے پنجاب کے تمام خاندان منتخب نجی و سرکاری ہسپتالوں سے10لاکھ تک علاج کے اہل ہوں گے، معیشت جیسے جیسے ترقی کرے گی اس کے ثمرات بھی عوام کو منتقل کئے جائیں گے۔ ان خیالات کا اظہارانہوں نے حلقہ این اے131کے دفترمیں پارٹی رہنمائوں اور حلقے کے اکابرین سے گفتگو کرتے ہوئے کیا ۔ ہمایوںاخترخان نے کہاکہ ماضی کی حکومتوں میں صرف ایک مخصوص طبقے کے حقوق کا دفاع کیا گیا جبکہ عمران خان نے اقتدار میں آنے سے پہلے دو نہیں ایک پاکستان کا نعرہ لگایا اورواضح کہا کہ ہم نے اشرافیہ اور غریب کیلئے الگ الگ قانون اور حقوق کی تفریق کو ختم کرنا ہے ،بے پنا مشکلات اور رکاوٹوںکے باوجودوزیر اعظم عمران خان اپنے عزم کے ساتھ پیشرفت کر رہے ہیں۔ انہوںنے کہا کہ اپوزیشن خوش فہمی میں مبتلا ہے کہ وہ آئندہ عام انتخابات میں اقتدار کے قریب پہنچ جائے گی بلکہ حقیقت یہ ہے کہ ان کی سیاست جس نہج پر پہنچی ہوئی ہے اقتدارتو دور کی بات انہیں اپنی سیاسی بقاء کے خطرات لا حق ہیں اور یہ لوگ اس سے اچھی طرح آگاہ ہیں۔
مقبول خبریں
سپریم کورٹ کا ملک بھر میں سڑکوں اور فٹ پاتھ پر سے تجاوزات 3دن...
کراچی(این این آئی)سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دیتے ہوئے تحریری حکم نامہ جاری...
فرٹیلائزر کمپنی سرسبز یوریا کی قیمت میں اچانک اضافے کا ٹھوس جواز فراہم...
اسلام آبا د(این این آئی)وفاقی وزیر صنعت و پیداوار رانا تنویر حسین نے کھاد کمپنی کی جانب سے سرسبز یوریا کی قیمت میں یکطرفہ...
محسن نقوی نے اسلام آباد میں امن عامہ کو بہتر بنانے اورجرائم پیشہ گینگز...
اسلام آباد (این این آئی)وفاقی وزیرداخلہ محسن نقوی نے اسلام آباد میں امن عامہ کو بہتر بنانے اور جرائم پیشہ گینگز کی سرکوبی...
غزہ میں اسرائیلی بمباری سے مزید 15 فلسطینی شہید
مقبوضہ غزہ(این این آئی)غزہ کے نصیرات کیمپ، خان یونس اور رفح پر اسرائیلی بمباری سے 15 فلسطینی شہید ہوگئے۔عرب میڈیا کے مطابق مغربی کنارے...
ٹرمپ کو اپنے خلاف ٹرائل سے زیادہ اہلیہ کی سالگرہ کی فکر
واشنگٹن(این این آئی)امریکا کے سابق صدر ڈونلڈ ٹرمپ کے حالیہ بیان سے معلوم ہوتا ہے کہ انہیں اپنے خلاف ٹرائل سے زیادہ اہلیہ کی...