لاہور( این این آئی)مسلم لیگ(ن) کے صدر شہباز شر یف نے کہا ہے کہ افغانستان کا معاملہ بڑا گھمبیر ہے ،وہاں لوگوں کو روٹی اور دوائی کے لالے پڑ گئے ہیں ۔ عدالت میں پیشی کے موقع پر غیر رسمی گفتگو کرتے ہوئے شہباز شریف نے کہا کہ افغانستان میں لوگ بیروزگار ہو چکے ہیں ،افغانستان کے عوام کی امداد کا معاملہ بڑا سنگین ہے ،عالم اسلام سمیت پوری دنیا کا فرض بنتا ہے کہ افغان عوام کی مدد کرے۔ انہوںنے کہا کہ افغان عوام کو مدد کی جتنی ضرورت آج ہے شاید اس سے پہلے کبھی نہیں تھی۔
