لاہور( این این آئی) مسلم لیگ (ن) کے ڈپٹی جنرل سیکرٹری عطا اللہ تارڑ نے کہا ہے کہ عمران خان نے جووزیر مشیر رکھے ہوئے ہیں ان کو قانون کا علم ہی نہیں ، آٹا ،گیس ،ادوایات سمیت کن کن چیزوں پر آپ نے ڈاکے نہیں مارے ،عمران نیازی پر فارن فنڈنگ کیس ہی کافی ہے ۔ احتساب عدالت کے باہر میڈیا سے گفتگو کرتے ہوئے انہوں نے کہا کہ عمران نیازی حکم امتناعی کی درخواستوں کے پیچھے چھپ رہے ہیں ،شہباز شریف فیملی کے خلاف منی لانڈرنگ میں ٹی ٹیزکا کہا گیا لیکن تین سالوں میں کچھ نہیں نکلا ،رمضان شوگر مل کی ضمانت کے معاملے پر سپریم کورٹ کے چیف جسٹس کے ریمارکس ریکارڈ پر ہیں ،سپریم کورٹ نے کہا کہ شہباز شریف کا کردار تو ایک اچھے بچے کی طرح ہے ۔انہوںنے کہا کہ فواد چوہدری (ن)لیگ میں آنے کے لیے شہباز شریف سے ملاقاتیں کرتا رہا ہے ۔
