بابائے قوم قائداعظم محمد علی جناح نے اپنی انتھک محنت اور با اصول سیاسی جدوجہد سے ہمیں آزاد مملکت کا تحفہ دیا، فواد چوہدری

0
239

اسلام آباد (این این آئی)وفاقی وزیر اطلاعات چوہدری فواد حسین نے بابائے قوم قائداعظم محمد علی جناح کے یوم پیدائش پر اپنے پیغام میں کہاہے کہ بابائے قوم قائداعظم محمد علی جناح نے اپنی انتھک محنت اور با اصول سیاسی جدوجہد سے ہمیں آزاد مملکت کا تحفہ دیا۔ اپنے بیان میں وزیر اطلاعات نے کہاکہ بابائے قوم قائداعظم محمد علی جناح نے اپنی انتھک محنت اور با اصول سیاسی جدوجہد سے ہمیں آزاد مملکت کا تحفہ دیا۔ انہوںنے کہاکہ قائداعظم محمد علی جناح نے پاکستان کی صورت میں ایسی ریاست کی تشکیل ممکن بنائی جہاں رنگ و نسل، مذہبی، لسانی اور کسی تفریق کے بغیر تمام شہریوں کو زندگی گذارنے اور ترقی کے یکساں مواقع حاصل ہوں۔انہوںنے کہاکہ قائداعظم محمد علی جناح وزیراعظم عمران خان کے رول ماڈل ہیں، وزیراعظم عمران خان ایسا پاکستان چاہتے ہیں جہاں معاشی اور ثقافتی اقدار مضبوط اور اقوام عالم میں اس کا مقام بلند تر ہو۔ وزریر اطلاعات نے کہا کہ ہمیں فرقہ واریت اور شدت پسندی جیسے ملک دشمن عناصر سے چھٹکارا حاصل کر کے ایک متحد اور یکجا قوم کی حیثیت سے آگے بڑھنا ہوگا