اسلام آباد (این این آئی)نیب نے کہا ہے کہ چیئر مین نیب جسٹس جاویداقبال معززپارلیمنٹ کوانتہا ئی عزت اور احترام کی نظر سے دیکھتے ہیں وہ پہلے بھی پی اے سی کے اجلاس میں شریک ہوئے تھے اور اب بھی جب پی اے سی اور دیگرپارلیمنٹ کی کمیٹیوں میں بلایا جائے گا تو چیئرمین نیب اجلاس میں شریک ہوں گےـ جاری اعلامیہ کے مطابق نیب نے سیکرٹری قومی اسمبلی کو ایک خط لکھا ہے جس میں کہا گیا ہے کہ پارلیمانی کمیٹیوں میں نیب کے پرنسپل اکاؤنٹنگ افسر کی نمائندگی کے حوالے سے میڈیا میں گمراہ کن پروپیگنڈہ کیا جارہا ہے ـحقیقت میں خطا سیکرٹری قومی اسمبلی کو لکھا گیا تھا جس میں ان کومطلع کیا گیا تھا کہ چئیرمن نیب ذاتی مصروفیات کی وجہ سے اجلاس میں شریک نہیں ہوسکتے کیونکہ ان کے قریبی عزیز سخت علیل ہیں۔ڈائریکٹر جنرل نیب ہیڈکوارٹرز کو پرنسپل اکاؤنٹنگ افسر کی حیثیت سے نمائندگی کا اختیار دیا گیا۔پارلیمنٹ کے احترام کے طور پر ڈی جی نیب ہیڈکوارٹرز کو ہدایت کی گئی کہ وہ ذاتی طور پر پی اے سی کے اجلاس میں شریک ہوں اور معزز پارلیمنٹرین کے تمام سوالات کے جوابات کے علاوہ معزز پارلمنٹیرین کو صورتحال سے آگاہ کریں۔معزز وزیراعظم کے اس حوالے سے خط کا نادانستہ طور پر حوالہ دیا گیاتھا۔سیکٹری قومی اسمبلی کو لکھے خط میں نیب کے اس عزم کا اظہار کیا گیا ہے کہ چیئر مین نیب معز زپارلیمنٹ کوانتہا ئی عزت اور احترام کی نظر سے دیکھتے ہیں وہ پہلے بھی پی اے سی کے اجلاس میں شریک ہوئے تھے اور اب بھی جب پی اے سی اور دیگرپارلیمنٹ کی کمیٹیوں میں بلایا جائے گا تو چیئرمین نیب شریک ہوں گے۔ مزید براں مزید 3جنوری 2022 کو نیب کی طرف سے لکھے گئے خط کو واپس تصور کیا جائے۔
