اسپائڈر مین نو وے ہوم نے باکس آفس پر تہلکہ مچادیا

0
24

لاس اینجلس(این این آئی) اسپائڈر مین کا جادو چل گیا،اسپائڈر مین نو وے ہوم نے باکس آفس پر تہلکہ مچادیا، ایڈونچر سے بھرپور سپر ہیرو فلم نے دنیا بھر سے ایک ارب ڈالر سے زائد کمالیے۔سونی کارپوریشن نے اپنے ایک بیان میں کہا ہے کہ باکس آفس کے فائنل کے اعداد و شمار سے پتہ چلتا ہے کہ ”اسپائیڈر مین: نو وے ہوم” اصل اندازے سے بھی زیادہ ناظرین کو متوجہ کرنے میں کامیاب ہو گئی ہے۔”نو وے ہوم” میں ٹام ہالینڈ سپائیڈر مین کا کردار ادا کررہا ہے جبکہ زندایا اس کی گرل فرینڈ کا کردار ادا کررہی ہے۔ کرسمس کی تیاریوں اور کورونا وائرس کی نئی قسم اومی کرون کے شدید خطرے کے باوجود لوگوں کی بڑی تعداد فلم کو دیکھنے کے لیے تھیٹرز پہنچی ہے۔تجزیہ کاروں کا کہنا ہے کہ ”نو وے ہوم” نے ثابت کیا کہ سپر ہیرو فلموں میں شائقین کی دلچسپی ابھی بھی برقرار ہے۔ فلم کے ہیرو ٹام ہالینڈ نے ایک انسٹاگرام پوسٹ میں مداحوں کا شکریہ ادا کرتے ہوئے کہا ہے”شکریہ آپ کا شکریہ اور اگر آپ نے ابھی تک اسپائیڈر مین کو گھر جاتے ہوئے نہیں دیکھا۔