لاہور(این این آئی) پاکستان مسلم لیگ (ن) کے ڈپٹی جنرل سیکرٹری عطا اللہ تارڑ نے کہا ہے کہ آج ملکی حالات اہم موڑ سے گزر رہے ہیں ،کھلاڑیوں کی تبدیلی سے فرق نہیں پڑے گا،اب ضرورت کپتان کی تبدیلی کی ہے ورنہ یہ ہر چیز کو لے ڈوبے گا ،معیشت کی تباہی کے ذمہ دار عمران خان ہیں ،احتساب کے جھوٹے نعرے میں بھی اب ناکامی تسلیم کر لی گئی ہے ، ساڑھے 3 سال جھوٹے احتساب کے نام پر بدترین انتقامی کارروائیاں کروانے والا شخص ملکی تباہی کا برابر کا ذمہ دار ہے ،اس کا نام ای سی ایل میں ڈالا جائے اگر ایسا نہ کیا گیا تو ہم اس کی باقاعدہ درخواست دینگے ،شہزاد اکبر کے جرائم کی فہرست نہ ختم ہونے والی ہے ،ایسٹ ریکوری یونٹ کے تحت بنائے گئے اثاثوں کا حساب لیا جائے گا ، عمران خان فارن فنڈنگ، بی آر ٹی پر اسٹے لیتے ہیں اور پھر عدلیہ کو موردالزام ٹھہراتے ہیں ،عوام میں آ کر نکل کر تو دیکھیں تو آپ کو آٹے دال کا بھائو پتہ چل جائے گا ،آپ کو اب کنٹینر دینے والا بھی اب کوئی نہیں ہے، ٹرانسپرنسی انٹرنیشنل کی رپورٹ کے بعد آپ کا سر شرم سے جھکنا چاہیئے کیونکہ ملک میں کرپشن میں اضافہ ہوا ہے ،ہمارے دور میں کرپشن کم ہوئی آپ ملک کو 117 سے 140ویں نمبر پر لے گئے ہیں ،ہمارے دور میں بہتری اس لئے آئی کیونکہ نواز شریف اور شہباز شریف کی قیادت میں ملک کے اربوں روپے بچائے گئے تھے ۔ عطاء اللہ تارڑ نے پارٹی سیکرٹریٹ ماڈل ٹائون میں پریس کانفرنس کرتے ہوئے کیا ۔انہوںنے کہاکہ حالیہ حکومت ٹی وی پر للکاریں مار رہی ہے ،وزیراعظم بوکھلاہٹ میں ایسی باتیں کر رہے ہیں ،خطرناک تو آپ اب بھی نہیں ہے، ہم آپ کو خطرناک نہیں سمجھتے ،پی ٹی آئی والے ہمیں کہتے ہیں کہ انہیں اپنا مستقبل پی ٹی آئی میں نہیں لگتا ،ڈوبتی ہوئی کشتی سے چھلانگ لگانے والوں کی تعداد میں اضافہ ہوتا رہتا ہے
مقبول خبریں
آزاد کشمیر پر بھارتی رہنماؤں کے اشتعال انگیز دعوؤں میں تشویشناک اضافہ ، پاکستان...
اسلام آباد (این این آئی) ترجمان دفتر خارجہ نے کہا ہے کہ آزاد کشمیر پر بھارتی رہنماؤں کے اشتعال انگیز دعوؤں میں تشویشناک اضافہ...
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے...
اسلام آباد (این این آئی)وزیر داخلہ محسن نقوی نے اسلام آباد پولیس خدمت مرکز 24 گھنٹے کھلا رکھنے کا اعلان کردیا۔میڈیا سے گفتگو...
الیکشن کمیشن نے آزاد اراکین قومی اسمبلی کی سنی اتحاد کونسل میں شمولیت تسلیم...
اسلام آباد(این این آئی)الیکشن کمیشن نے پاکستان تحریک انصاف کے آزاد اراکین قومی اسمبلی کی سنی اتحاد کونسل میں شمولیت کو تسلیم کرلیا۔گزشتہ روز...
پنجاب میں رہنماں کے گھر چھاپے مارے جارہے ہیں، پولیس گردی ختم ہونی چاہیے،...
اسلام آباد (این این آئی)قائد حزب اختلاف عمر ایوب نے کہا ہے کہ رات سے ہمارے رہنماں کے گھر چھاپے مارے جارہے ہیں، ہم...
وزیر اعظم 28 اپریل ورلڈ اکنامک فورم میں شرکت کیلئے سعودی عرب روانہ ہوں...
اسلام آباد (این این آئی)وزیر اعظم شہباز شریف ورلڈ اکنامک فورم کے اجلاس میں شرکت کیلئے 28 اپریل کو سعودی عرب روانہ ہوں گے۔ترجمان...