اسلام آباد (این این آئی)ترکی کے سفیر احسان مصطفی یردایکل نے چیف آف دی نیول اسٹاف ایڈمرل محمد امجد خان نیازی سے ملاقات کی جس میں بحری تعاون سمیت باہمی دلچسپی کے امور پر تبادلہ خیال کیا گیا ۔ ترجمان پاک بحریہ کے مطابق معزز مہمان نے امیرالبحر کو پاک بحریہ کی کمان سنبھالنے پر مبارکباد پیش کی اور ان کیلئے نیک خواہشات کا اظہار کیا۔ ترجمان پاک بحریہ کے مطابق سربراہ پاک بحریہ نے ترکی میں حالیہ زلزلے سے ہونے والے جانی اور مالی نقصان پر افسوس کا اظہار کرتے ہوئے زخمیوں کی جلد صحت یابی کیلئے بھی دعا کی۔
