فیصل سیف کھوکھر کومسلم لیگ (ن) یوتھ ونگ لاہور کا صدر مقرر کردیا گیا

0
130

لاہور( این این آئی)مسلم لیگ (ن) نے نوجوان متحرک کارکن فیصل سیف کھوکھر کو مسلم لیگ(ن) یوتھ ونگ لاہور کا صدر مقرر کردیا ۔ فیصل سیف کھوکھر اس سے قبل یوتھ ونگ لاہور کے جنرل سیکرٹری کے عہدے پر فرائض سر انجام دے رہے تھے تاہم انہیں اب صدر مقرر کیا گیا ہے ۔ وقاص قریشی کو ان کی جگہ جنرل سیکرٹری یوتھ ونگ کے عہدے پر مقررکیا گیا ہے۔ صدر یوتھ ونگ لاہور کا عہدہ خرم روحیل اصغر کے پنجاب کا صدر مقرر ہونے کے بعد خالی تھا۔فیصل سیف کھوکھر اور وقاص قریشی نے کہا کہ قیادت نے جس اعتماد کا اظہار کیا ہے اس پر پورا اترنے کی کوشش کریں گے۔ ووٹ کوعزت دو تحریک میں نوجوان کارکنوںکا کلیدی کردار ہے اور انہیں فعال کیا جائیگا۔