اسلام آباد (این این آئی) چیئر مین سینٹ صادق سنجرانی نے سابق وزیر داخلہ سینیٹر رحمن ملک کے انتقال پر تعزیت کا اظہار کرتے ہوئے کہا ہے کہ ایک دیرینہ دوست اور قومی رہنما کی موت کسی صدمے سے کم نہیں ۔ اپنے بیان میں چیئر مین سینٹ نے سینیٹر رحمان ملک کے انتقال پر افسوس کا اظہار کیا اور کہاکہ سینیٹرحمان ملک کے انتقال سے شدید دکھ ہوا۔ انہوںنے کہاکہ ایک دیرینہ دوست اور قومی رہنما کی موت کسی صدمے سے کم نہیں ہے انہوںنے کہاکہ دکھ کی اس گھڑی میں سوگوار خاندان کے غم میں برابر کے شریک ہیں۔انہوںنے کہاکہ پاکستان ایک اہم قومی سیاست دان اور دانشور سے محروم ہو گیا۔
