اسلام آباد (این این آئی) پاکستان تحریک انصاف کے سینیٹر فیصل جاوید نے کہا ہے کہ اپوزیشن کل نہیں، آج تحریک عدم اعتماد لے آئے، اپوزیشن کو منہ کی کھانی پڑے گی۔پاکستان تحریک انصاف سے تعلق رکھنے والے سینیٹر فیصل جاوید نے ایک انٹرویومیں کہا کہ عمران خان 2023 تک وزیراعظم رہیں گے۔ایک سوال پر انہوں نے کہا کہ مانتے ہیں کہ پاکستان میں مہنگائی ہے تاہم یہ بھی سچ ہے کہ کورونا کی وجہ سے پوری دنیا میں مہنگائی بڑھی ہے۔پی ٹی آئی سے تعلق رکھنے والے سینیٹر فیصل جاوید نے کہا کہ اب حالات بہتر ہو رہے ہیں، اگلے کچھ ماہ میں ہم مہنگائی پر قابو پالیں گے۔انہوں نے کہا کہ نواز شریف کو این آر او دے دیں تو وہ صحت مند ہو جائیں گے۔ انہوں نے کہا کہ ہمارے سارے اتحادی ہمارے ساتھ ہیں، کوئی کہیں نہیں جا رہا ہے۔سینیٹر فیصل جاوید نے انتہائی پر اعتماد لہجے میں کہا کہ اپوزیشن کی یہ تحریک کبھی بھی کامیاب نہیں ہو گی۔
