راولپنڈی (این این آئی)راولپنڈی ٹیسٹ کے دوسرے روز پاکستانی بلے بازوں نے آسٹریلیا کے خلاف شاندار بیٹنگ کا مظاہرہ کیا ، ٹیسٹ کے دوسر ے روز پاکستانی بیٹر اظہر علی نے بھی سنچری داغ دی ہے۔تفصیلات کے مطابق کھیل کے دوسرے روز پاکستان نے اپنی پہلی نامکمل اننگز کا آغاز 245 رنز ایک کھلاڑی آؤٹ پر کیا۔پاکستانی بیٹرز امام الحق اور اظہر علی دوسرے روز کے پہلے سیشن میں بھی آسٹریلوی بولرز پر حاوی نظر آئے اور اسی دوران امام الحق نے 150 رنز مکمل کیے۔کھانے کے وقفے کے بعد کھیل کا دوبارہ آغاز ہوا تو اظہر علی نے بھی 8 چوکوں اور ایک چھکے کی مدد سے ٹیسٹ کرکٹ میں اپنی 19 ویں سنچری مکمل کی۔
