اسلام آباد (این این آئی)پی ٹی وی میں غیرقانونی بھرتیوں اور فنڈز کے غیر قانونی استعمال کے الزامات میں نیب تحقیقات معاملے پر اسلام آباد ہائیکورٹ نے نیب کو وزیراعظم کے سابق معاون خصوصی یوسف بیگ مرزا کی گرفتاری سے روک دیا،عدالت نے یوسف بیگ مرزا کی 26 نومبر تک عبوری ضمانت منظور کرلی ۔ منگل کو چیف جسٹس اسلام آباد ہائیکورٹ جسٹس اطہر من اللہ اور جسٹس عامر فاروق نے سماعت کا تحریری حکمنامہ جاری کردیا ۔ عدالت نے یوسف بیگ مرزا کو دو لاکھ روپے کے ضمانتی مچلکے جمع کرانے کا حکم دیا ،اسلام آباد ہائی کورٹ نے یوسف بیگ مرزا کو شامل تفتیش ہونے کی ہدایت کرتے ہوئے نیب سمیت فریقین کو نوٹس جاری کر کے جواب طلب کرلیا۔
