لاہو ر(این این آئی) مسلم لیگ (ن ) پنجاب کی سیکرٹری اطلاعات عظمی بخاری نے کہا ہے کہ اظہر عباس چانڈیا کی پرانی ملاقات کی تصویر لگاکر پروپیگنڈہ کیا گیا،ووٹ چور اور سلیکٹڈ حکومت ہر کام میں دو نمبری کرنے کی ماہر ہے،شرمندگی اور بے عزتی کے تمغے پی ٹی آئی کیلئے حسن کارکردگی سمجھے جاتے ہیں۔ اپنے بیان میں عظمی بخاری نے کہاکہ اظہر عباس چانڈیا نے ویڈیو بیان جاری کرکے فسادی ترجمانوں کے عزائم خاک میں ملادیے ہے ۔پی ٹی آئی اب جھوٹی اور من گھڑت خبروں سے اپنی حکومت چلانا شروع ہوگئی ہے۔عمران خان کو جب لوٹے نہیں ملے تو ایسے پروپیگنڈے شروع کردیے،عمران نیازی نے پہلے ملک بھر سے لوٹے اکٹھے کر کے چوں چوں کا مربہ بنایا ہے۔اظہر عباس چانڈیا سمیت ہر لیگی رکن میاں نوازشریف کے بیانیہ کے ساتھ کھڑا ہے۔
