اسلام آباد (این این آئی)پاکستان مسلم لیگ (ن) کی ترجمان مریم اورنگزیب نے کہاہے کہ پارٹی رہنما چوہدری تنویر کو کچھ ہوا توعمران صاحب ذمہ دار ہوں گے ۔ اپنے بیان میں انہوںنے کہاکہ پارٹی کے سینئر راہنما سینیٹر چوہدری تنویر کو کچھ ہوا توعمران صاحب ذمہ دار ہوں گے ۔انہوں نے کہاکہ ضمانت پر ہونے کے باجودسینئر پارلیمنٹرین کی گرفتاری قابل مذمت اور حکومتی غنڈہ گردی ہے ۔ انہوں نے کہاکہ وہ ہسپتال میں زیرعلاج تھے، بیٹے کی شادی کے لئے آئے تھے لیکن گرفتار کرلیا گیا ، عمران صاحب ایسے اوچھے ہتھکنڈوں سے عدم اعتماد کی تحریک ناکام نہیں ہوگی۔
