اسلام آباد (این این آئی)وزیر مملکت اطلاعات و نشریات فرخ حبیب نے کہاہے کہ سندھ ہائوس کو نیلام گھر بنادیا گیا ہے،مسٹر فراڈیئے جمع ہیں، چوری لوٹ کھسوٹ کا پیسہ ان لوگوں کے پاس تھا،سینٹ الیکشن میں اراکین قومی اسمبلی کے ضمیر خریدے جارہے تھے، ویڈیو بھی موجود ہے، الیکشن ایکٹ واضح ہے کسی ووٹر کو پیسے کے ذریعے نہیں خرید سکتے، الیکشن کمیشن کے پاس موقع آگیا ہے اس کا خاتمہ کرسکے۔وزیر مملکت اطلاعات و نشریات فرخ حبیب نے جمعہ کو الیکشن کمیشن کے باہر وفاقی پارلیمانی سیکرٹری قانون و انصاف ملیکہ بخاری کے ہمراہ میڈیا سے گفتگو کرتے ہوئے کہاکہ این ایف سی کی مد میں سندھ حکومت 2000ارب لیکر گئی لیکن کہاں استعمال ہوا اس کا پتہ ہی نہیں ہے، جو کونسلر نہیں بن سکتے تھے وہ ٹکٹ کیلئے عمران خان کے پائوں میں بیٹھے ہوئے تھے،الیکشن کمیشن یوسف رضا گیلانی کے خلاف کیس کا بھی فیصلہ کرے اور ووٹ کی خرید و فرخت کو فوری طور پر روکے،ہم نے ابیسلوٹلی ناٹ کہہ کر کوئی غلط نہیں کیا، س کا خمیازہ بھگتنے کے لئے تیار ہیں،کپتان ڈٹ کر مقابلہ کریں گے،کسی قسم کی بلیک میلنگ میں نہیں آئیں گے اور نہ ہی کمپرومائز کریں گے۔وزیر مملکت نے کہاکہ آج سب چور ایک طرف اور عمران خان ان کے سامنے ڈٹ کر کھڑے ہیں،جب کوئی اتحاد بنتا ہے تو سب کو ساتھ لیکر چلا جاتا ہے،ہم پاکستان کی جمہوریت کو نیلام گھر نہیں بننے دیں گے،بھرپور مزاحمت کریں گے اور رکاوٹ بن کر کھڑے ہوں گے،آرٹیکل 63اے واضح ہے،قانون اس لئے بنایاجاتا ہے
