واشنگٹن(این این آئی)امریکی صدر جوبائیڈن نے چینی ہم منصب کو خبردار کرتے ہوئے کہا ہے کہ یوکرین میں فوجی کارروائی کے معاملے پر روس کا ساتھ دیا تو نتائج بھگتنا ہوں گے۔میڈیارپورٹس کے مطابق چین کے صدر شی اور امریکی ہم منصب جوبائیڈن کے درمیان ویڈیو لنک پر دو گھنٹے بات چیت ہوئی۔اس موقع پر امریکی صدر جو بائیڈن نے کہا کہ روس کی طرح امریکا چین پر بھی پابندیاں عائد کر سکتا ہے۔چینی صدر کا کہنا تھا کہ یوکرین کے بحران کی اصل وجہ سمجھنے کے لیے امریکا اور نیٹو روس سے مذاکرات کریں۔انہوں نے یہ بھی کہا کہ روس پر پابندیاں رہیں تو عالمی معیشت کو ناقابل تلافی نقصان پہنچے گا، سرد جنگ کی ذہنیت ترک کی جائے۔
