اسلام آباد (این این آئی) پاکستان مسلم لیگ (ن) کے صدرشہباز شریف نے کہا ہے کہ میں آرمی چیف جنرل باجوہ اور ڈی جی آئی ایس آئی سے مطالبہ کرتا ہوں اگر ہم نے غداری کی ہے تو ثبوت قوم کے سامنے لائیں، عدالت کے سامنے یہ ثبوت لائیں، نگراں سیٹ اپ کیلئے عارف علوی کا کوئی خط نہیں ملا، عارف علوی اور عمران نیازی آئین شکنی کے مرتکب ہیں، پہلے اس کا فیصلہ ہوگا باقی باتیں بعد میں ہوں گی۔ میڈیا سے گفتگو کرتے ہوئے انہوںنے کہاکہ ہم سب عدلیہ کا احترام کرتے ہیں ،ڈپٹی سپیکر نے آئین کی خلاف ورزی کی ہے،صدر اور وزیراعظم نے بھی آئین کو توڑا ہے،صدر نے اپنا دماغ استعمال کئے بغیر فیصلہ کرلیا ہے،جلد انتخابات ہم چاہتے تھے لیکن اس طرح نہیں چاہتے تھے۔ شہباز شریف نے کہاکہ آئین کو پامال کیا گیا ہے جس کی وجہ سے عدالت عظمی میں آئے ہیں ،جو صورتحال ہے یہ بنانا ریپبلک بن جائیگی۔ شہباز شریف نے کہاکہ بات یہ نہیں ہے کہ ہم جلد اور شفاف الیکشن نہیں چاہتے،یہی تو ہم چاہتے تھے،ہم چاہتے تھے صاف شفاف الیکشن کا انعقاد ہومگر اس وقت آئین کو توڑا گیا،192 ممبران کو انہوں غدار قرار دیا۔ شہباز شریف نے کہاکہ میںآرمی چیف جنرل قمر جاوید باجوہ ڈی جی آئی ایس آئی سے مطالبہ کرتا ہوں کہ اگر ہم نے غداری کی ہے تو ثبوت سامنے لائیں ،اگر ہم نے یہ جرم نہیں کیا،خارجہ سورس استعمال نہیں کیے تو دودھ کا دودھ پانی کا پانی ہو جائے۔ انہوںنے کہاکہ میں نے کبھی اتنے صاف الفاظ میں بات نہیں کی، اب عدالت سے بھی ملتمس ہوں، اپنے وکلا کے ذریعے یہ مطالبہ رکھیں گے کہ براہ کرم اس بات کا جائزہ لیں اور فورم بنادیں جس میں بات عیاں ہو۔انہوں نے کہا کہ ہم نے ساڑھے تین سال یہ مطالبہ کیا کہ یہ حکومت جعلی اور وزیراعظم بھی جعلی ہے، ہم نے جب آئینی و قانونی طور پرعدم اعتماد کی تحریک پیش کی تو اس کے بعد غداری کے نعرے لگ گئے۔شہباز شریف نے کہا کہ وقت آگیا ہے فوج کے سپہ سالار جن کی بے شمار قربانیاں ہیں وہ آج اس بات کا عندیہ دیں کہ کیا قومی سلامتی کمیٹی میں جومنٹس پاس ہوئے جس میں بین الاقوامی سازش اور اپوزیشن کا رول ہے تو اسے سامنے لائیں، کیا وہ منٹس انہوں نے سائن کیے؟ دیکھیں کیا اس میں اسٹیبلشمنٹ کی منظوری ہے؟۔ایک سوال ک جواب میں انہوں نے کہا کہ نگراں سیٹ اپ کیلئے عارف علوی کا کوئی خط نہیں ملا، عارف علوی اور عمران نیازی آئین شکنی کے مرتکب ہیں، پہلے اس کا فیصلہ ہوگا باقی باتیں بعد میں ہوں گی۔
مقبول خبریں
سپریم کورٹ کا ملک بھر میں سڑکوں اور فٹ پاتھ پر سے تجاوزات 3دن...
کراچی(این این آئی)سپریم کورٹ نے ملک بھر سے سڑکوں اور فٹ پاتھوں سے تجاوزات ختم کرنے کا حکم دیتے ہوئے تحریری حکم نامہ جاری...
فرٹیلائزر کمپنی سرسبز یوریا کی قیمت میں اچانک اضافے کا ٹھوس جواز فراہم...
اسلام آبا د(این این آئی)وفاقی وزیر صنعت و پیداوار رانا تنویر حسین نے کھاد کمپنی کی جانب سے سرسبز یوریا کی قیمت میں یکطرفہ...
محسن نقوی نے اسلام آباد میں امن عامہ کو بہتر بنانے اورجرائم پیشہ گینگز...
اسلام آباد (این این آئی)وفاقی وزیرداخلہ محسن نقوی نے اسلام آباد میں امن عامہ کو بہتر بنانے اور جرائم پیشہ گینگز کی سرکوبی...
غزہ میں اسرائیلی بمباری سے مزید 15 فلسطینی شہید
مقبوضہ غزہ(این این آئی)غزہ کے نصیرات کیمپ، خان یونس اور رفح پر اسرائیلی بمباری سے 15 فلسطینی شہید ہوگئے۔عرب میڈیا کے مطابق مغربی کنارے...
ٹرمپ کو اپنے خلاف ٹرائل سے زیادہ اہلیہ کی سالگرہ کی فکر
واشنگٹن(این این آئی)امریکا کے سابق صدر ڈونلڈ ٹرمپ کے حالیہ بیان سے معلوم ہوتا ہے کہ انہیں اپنے خلاف ٹرائل سے زیادہ اہلیہ کی...