اسلام آباد (این این آئی)وفاقی وزیر اطلاعات فواد چوہدری اورمسلم لیگ (ن) کے رہنما خواجہ سعد رفیق کی قومی اسمبلی میں گفتگو کی ویڈیو وائرل ہوگئی ۔ویڈیو میڈ دیکھا جاسکتا ہے کہ میڈیا پر ایک دوسرے پر تنقید کے تیر برسانے والے پاکستان تحریک انصاف اور (ن) لیگ کے رہنما خواجہ سعد رفیق اور فواد چوہدری کی قومی اسمبلی اجلاس میں پرسکون انداز میں گفتگو کررہے ہیں ۔وزیراعظم کے خلاف تحریک عدم اعتماد پر ووٹنگ کیلئے بلائے گئے اسمبلی کے ہنگامہ خیز اجلاس میں سعد رفیق اور فواد چوہدری اجلاس ساڑھے بارہ بجے تک ملتوی ہونے کے بعد آپس میں گفتگو کررہے ہیں تاہم دونوں رہنماؤں کی گفتگو کی تفصیل سامنے نہیں آئی البتہ سوشل میڈیا صارفین ویڈیو پر تبصرے کئے گئے ۔
