اسلام آباد (این این آئی) وزیر اعظم شہباز شریف نے ہدایت کی ہے کہ راول چوک فلائی اوور منصوبہ یکم ستمبر تک مکمل کیا جائے ، منصوبہ کی لینڈ سکیپنگ کی جائے اور تاخیر کا سبب بننے والی کمپنیوں کو بلیک لسٹ کیا جائے۔ان خیالات کا اظہار وزیراعظم محمد شہبازشریف نے ہفتہ کی صبح راول چوک فلائی اوور منصوبہ کا دورہ کرتے ہوئے کیا۔ اس موقع پر وزیراعظم کو منصوبہ پر تفصیلی بریفننگ بھی دی گئی۔ وزیراعظم شہبازشریف نے ترقیاتی منصوبوں کی تکمیل میں تاخیر پر تاسف کا اظہار کرتے ہوئے ان کی بروقت اور جلد ازجلد تکمیل کی ہدایت کی۔انہوں نے کہاکہ ترقیاتی منصوبوں میں تھرڈ پارٹی ویلی ڈیشن کو یقینی بنایا جائے اور منصوبوں کی تکمیل میں تاخیر کا سبب بننے والی کمپنیوں کو بلیک لسٹ کیا جائے۔ انہوں نے کہاکہ قومی وسائل کے ضیاع اور ترقیاتی منصوبوں میں تاخیر کو برداشت نہیں کیا جائے گا۔پراجیکٹ انتظامیہ کی جانب سے بریفنگ میں وزیراعظم شہبازشریف کو بتایا گیا کہ راول چوک فلائی اوور منصوبہ میں بلاوہ جہ تاخیر کی گئی تاکہ اس کی لاگت کو بڑھایا جاسکے تاہم وفاقی دارالحکومت میں دیگر منصوبہ جات کے کنٹریکٹ ایف ڈبلیو او اور این ایل سی کو دیئے گئے ہیں تاکہ ان کی بروقت تکمیل کو یقینی بنایا جاسکے۔وزیراعظم شہبازشریف نے ہدایت کی کہ ترقیاتی منصوبوں کو بروقت مکمل کیا جائے۔ انہوں نے کہا کہ گزشتہ کئی ماہ سے میں جب بھی اسلام آباد آیا تو ترقیاتی منصوبوں کی سست روی کو دیکھ کر افسوس ہوا۔ اس حوالہ سے متعلقہ حکام کو خصوصی توجہ دینا ہو گی کیونکہ غریب قوم کے پیسہ کے ضیاع کو برداشت نہیں کیا جائے گا۔ انہوں نے ہدایت کی کہ احساس ذمہ داری کو یقینی بنایا جائے، تھرڈ پارٹی ویلی ڈیشن کو یقینی بنا کر منصوبوں کی شفافیت کو یقینی بنایا جائے اس حوالہ سے کسی قسم کی رعایت نہیں کی جائے گی۔ وزیراعظم نے راول چوک فلائی اوور منصوبہ کی تھرڈ پارٹی ویلی ڈیشن کو ہدایت کرتے ہوئے کمیٹی تشکیل دینے کا حکم دیا اور کہا کہ اس کی انکوائری کرائی جائے تاکہ تاخیر کے اسباب معلوم کئے جاسکیں اور ذمہ داروں کو قرار واقعی سزا دی جاسکے۔ وزیراعظم نے منصوبہ کی تاخیر پر افسوس کا اظہار کرتے ہوئے کہا کہ ایک چھوٹا منصوبہ بھی دو سال میں مکمل نہ ہو سکا جبکہ اس عرصہ میں تو میگا پراجیکٹ مکمل ہو سکتے ہیں۔وزیراعظم شہبازشریف نے منصوبہ کی لینڈ سکیپنگ کے بارے میں بھی پوچھا اور کہاکہ اس کی لینڈ سکیپنگ کو بھی یقینی بنایا جائے
مقبول خبریں
پاکستان کی چینی کاروباری اداروں کو پاکستان میں سرمایہ کاری کی دعوت
چھنگ ڈائو (این این آئی)پاکستان نے چینی کاروباری اداروں کو پاکستان میں سرمایہ کاری کی دعوت دیتے ہوئے کہا ہے کہ ادارہ جاتی ترقی...
مسلم لیگ (ن) انٹرنیشنل افئیرز کے زیر اہتمام کانفرنس، بیرسٹر امجد ملک اور وزیر...
اسلام آباد (این این آئی)وزیر خارجہ اور صدر انٹر نیشنل افیئرز سینیٹر اسحق ڈار نے کہا ہے کہ پاکستان عالمی تنہائی سے نکل رہا...
امریکی سینیٹ میں ٹک ٹاک پر جزوی پابندی کا بل منظور
بیجنگ/واشنگٹن(این این آئی)امریکی سینیٹ نے سوشل میڈیا پلیٹ فارم ٹک ٹاک پر جزوی پابندی کا بل منظور کر لیا۔غیرملکی خبررساں ادارے کیے مطابق سوشل...
روس کے نائب وزیر دفاع رشوت لینے کے شبہ میں گرفتار
ماسکو(این این آئی)روس کے نائب وزیر دفاع تیمور ایوانوف کو رشوت لینے کے شبہ میں گرفتار کرلیا گیا۔غیرملکی خبررساں ادارے کے مطابق روسی وزارت...
امریکی سینیٹ سے یوکرین، اسرائیل، تائیوان کیلئے امدا منظور
واشنگٹن(این این آئی)امریکی سینیٹ نے یوکرین، اسرائیل اور تائیوان کے لیے 95 ارب ڈالرز کا امدادی بل منظور کر لیا۔امریکی میڈیا کے مطابق یوکرین...