لاہور( این این آئی)پاکستانی عوام نے بھی مسجد نبویۖ میں پیش آنے والے واقعہ کی شدید الفاظ مذمت کرتے ہوئے کہا ہے کہ سیاست کی آڑ میں حرم شریف کی حرمت کی جس طرح پامالی کی گئی اس پر دل خون کے آنسو رو رہا ہے ، ایک سیاسی جماعت کے رہنمائوں کی جانب سے اس عمل کی ستائش کرنا ثابت کرتا ہے کہ یہ واقعہ یقینی طو رپر کسی کی شہ پر کیا گیا ہے ، سعودی حکومت کو اس واقعہ پر بلا تفریق سخت کارروائی عمل میں لانی چاہیے تاکہ آئندہ کوئی بھی اس مقام کی حرمت کی پامالی کا سوچ بھی نہ سکے۔ تفصیلات کے مطابق حکومتی وفد کی مسجد نبوی ۖ آمد کے موقع پر وہاں موجودکچھ لوگوںکی جانب سے وفد کا گھیرائو کر کے نعرے بازی کے واقعہ کی پاکستانی عوام کی جانب سے شدید مذمت اوررد عمل ظاہر کیا گیا ہے ۔ عوام کا کہنا ہے کہ حرم شریف ہرگز سیاست کی جگہ نہیں لیکن مبینہ طور پر ایک سیاسی جماعت کی جانب سے سیاسی نفرت کو جس نہج پر پہنچا دیا گیا ہے یہ پاکستان کیلئے انتہائی خطرناک رجحان ہے اوراس کے آنے والے دنوںاورمہینوںمیں انتہائی خطرناک نتائج نکلیں گے۔انہوں نے کہا کہ ایک سیاسی جماعت کے رہنمائوں کی جانب سے الیکٹرانک و پرنٹ اور سوشل میڈیا پر جس طرح اس عمل کی ستائش کی جارہی ہے وہ قابل مذمت ہے اور اس سے یہ واضح ہے کہ یہ سب کچھ کسی کی شہ پر کیا گیا ہے جس سے دنیا بھر میں پاکستان کی بدنامی ہوئی ہے ۔ مسجدنبویۖ ایسا مقام ہے جہاں پر لوگ چلنے کے لئے قدم بھی انتہائی احترام سے رکھتے ہیں اور چند عقل کے اندھوںنے سیاست کیلئے اس انتہائی مقدس مقام کی جس طرح بے حرمتی اورپامالی کی ہے اس پر پوری قوم دکھی ہے ۔انہوں نے کہا کہ سعودی حکومت کو ویڈیوز کے ذریعے تمام لوگوںکی شناخت کر کے اپنے قوانین کے مطابق سخت کارروائی کرنی چاہیے تاکہ آئندہ کسی کو اس مقام کی بے حرمتی کرنے کی جرات نہ ہو سکے ۔
مقبول خبریں
ہمارے کارکنان کو کچھ ہوا تو ذمہ دار حکومت ہوگی ، بیرسٹر سیف
پشاور(این این آئی) مشیر اطلاعات خیبر پختونخوا بیرسٹر ڈاکٹر سیف نے کہا ہے کہ حکومت انتہائی اوچھے ہتھکنڈوں پراْتر آئی ہے، ہمارے کارکنان کو...
پاکستان کی جانب سے ایران پراسرائیلی حملوں کی مذمت
اسلام آباد(این این آئی) پاکستان کی جانب سے ہفتہ کی صبح ایران پر ہونیوالے اسرائیلی حملوں کی شدید مذمت کی گئی ہے۔ترجمان دفتر خارجہ...
چیف جسٹس پاکستان جسٹس یحییٰ آفریدی کی زندگی پر ایک نظر
اسلام آباد(این این آئی) چیف جسٹس پاکستان جسٹس یحییٰ ا?فریدی 23 جنوری 1965 کو ڈیرہ اسماعیل خان میں پیدا ہوئے ، ان کا تعلق...
آلودہ ترین شہروں میں لاہور کا تیسرا نمبر
لاہور(این این آئی)لاہور آج دنیا کے آلودہ ترین شہروں کی فہرست میں تیسرے نمبر پر ہے۔ایئر کوالٹی انڈیکس کے مطابق لاہور کی فضا میں...
مہنگائی میں کمی، معیشت درست سمت میں گامزن ہے’ گورنر اسٹیٹ بینک
واشنگٹن (این این آئی)گورنر اسٹیٹ بینک جمیل احمد نے عالمی سرمایہ کاروں سے ملاقات کی ہے، آئی ایم ایف اور ورلڈ بینک کے سالانہ...