اسلام آباد (این این آئی)قومی اسمبلی کو بتایا گیا ہے کہ حکومت گندم کی سمگلنگ کی روک تھام کیلئے کنٹرول روم کے قیام سمیت گوداموں پر ٹریکر لگانے کا منصوبہ بنا رہی ہے، جون تک سرکاری گندم کی خریداری کا کام مکمل کرلیا جائیگا جس کے بعد اگر ضرورت پڑی تو باہر سے گندم منگوانے کا فیصلہ کیا جائے گا۔ بدھ کو وقفہ سوالات کے دوران طاہرہ اورنگزیب کے سوال کے جواب میں وفاقی وزیر تجارت سید نوید قمر نے کہا کہ ماضی میں غیر معیاری گندم درآمد کی جاتی رہی ہے مگر اب جو درآمد کی جارہی ہے وہ ایک معیار کے مطابق درآمد کی جارہی ہے۔ اب غیر معیاری گندم کا پاکستان میں آنا مشکل ہے۔ وزیر تجارت سید نوید قمر نے کہا کہ ہم نے اپنے پچھلے دور حکومت میں گندم کے کاشتکاروں کو مراعات دیں جس کی وجہ سے گندم میں ہم خودکفیل تھے مگر گزشتہ چند سالوں میں کھادیں بروقت اور مہنگی ملنے، پانی کی کمی سمیت دیگر وجوہات کی وجہ سے فصل کم ہو رہی ہے، جون تک سرکاری گندم کی خریداری کا کام مکمل کرلیا جائے گا اس کے بعد باہر سے گندم منگوانے کا کوئی حتمی فیصلہ کیا جائے گا۔ انہوںنے کہاکہ وزیراعظم نے گندم کی سمگلنگ کی روک تھام کے حوالے سے ایک اجلاس کی صدارت کی ہے،ہم گندم کے گوداموں پر ٹریکرز لگانے اور گندم کی سمگلنگ کی روک تھام کیلئے کنٹرول رومز بھی بنانے کا سوچ رہے ہیں۔ سید نوید قمر نے کہا کہ گندم کے گوداموں کو چوہوں سے بچانے کے لئے بھی کام ہو رہا ہے، ہماری کوشش ہوگی کہ کم سے کم گندم باہر سے منگوائیں۔
مقبول خبریں
پاکستانی طلبا کے تحفظ کو یقینی بنانے کے لئے کرغز حکام سے رابطہ ...
اسلام آبا د(این این آئی)نائب وزیر اعظم اور وزیر خارجہ اسحاق ڈار نے کہا ہے کہ حکومت نے کرغز حکام سے...
وزیراعظم کا کرغزستان میں پاکستانی سفیر سے ٹیلی فونک رابطہ، پاکستانی طلبا ء کو...
اسلام آباد (این این آئی)وزیراعظم محمد شہباز شریف نے کر غزستان میں پاکستانی سفیر حسن علی ضیغم سے ٹیلی فونک رابطہ کیا اور کر...
علی امین گنڈا پور بد امنی اور انتشار چاہتا ہے’ امیر مقام
لاہور( این این آئی)وفاقی وزیر امور کشمیر انجینئر امیر مقام نے کہا ہے کہ وزیر اعلی خیبر پختوانخواہ کو کچھ حاصل نہیں ہو رہا...
وزیر اعلیٰ خیبر پختوانخواہ صرف ہوائی فائرنگ کر رہا ہے ، جیسے وفاق کہے...
لاہور( این این آئی) پاکستان مسلم لیگ (ن) پنجاب کے صدر رانا ثنااللہ نے کہا ہے کہ وزیر اعلی خیبر پختوانخواہ تیس مار خان...
وزیر اعظم کا پاکستانی سفیر سے رابطہ ،غیزستان میں حالیہ صورتحال میں پاکستانی طلبہ...
لاہور( این این آئی)وزیراعظم محمد شہباز شریف نے کرغیزستان میں پاکستانی سفیر حسن علی زیغم سے ٹیلی فونک رابطہ کر کے غیزستان میں حالیہ...