شازیہ مری کا کراچی میں بم دھماکے کی شدید الفاظ میں مذمت

0
179

کراچی (این این آئی) وفاقی وزیر تخفیف غربت اور سماجی تحفظ شازیہ عطا مری نے کراچی کے علاقے کھارادر میں بم دھماکے کے واقعے کی سخت الفاظ میں مذمت کرتے ہوئے کہا ہے کہ کراچی کے علاقے کھارادرمیں بم دھماکہ انتہائی افسوسناک اور قابل مذمت عمل ہے اور بم دھماکے میں قیمتی انسانی جانوں کے ضیاع اور زخمی افراد کے ساتھ افسوس کا اظہار کرتے ہیں۔ انہوں نے کہا کہ دہشتگردی کے واقعات سے کراچی کے امن کو خراب کرنے کی ناکام کوشش کی جارہی ہے اوردہشتگرد اپنے عزائم میں کسی بھی صورت کامیاب نہیں ہوسکتے۔ وفاقی وزیر شازیہ مری نے مزیدکہا کہ پوری قوم اور قانون نافذ کرنے والے ادارے دہشت گردی کا بہادری سے مقابلہ کرنے کیلئے تیار ہیں اوردھماکے میں جاں بحق ہونے والے افراد کے لواحقین سے دلی ہمدردی اور زخمیوں کیلئے دعاگو ہیں۔