اسلام آباد (این این آئی) پاکستان پیپلز پارٹی کے چیئرمین وزیر خارجہ بلاول بھٹو زرداری نے دہشتگردی واقعہ کی مذمت کرتے ہوئے کراچی دھماکے میں جانی نقصان پر افسوس کا اظہار کیا ۔ اپنے بیان میں وزیر خارجہ نے کہاکہ یقین ہے، پولیس اور دیگر ادارے مل کر مجرموں کو بہت جلد از جلد قانون کی گرفت میں لائیں گے۔ بلاول بھٹو زر داری نے کہاکہ دہشتگردی کسی بھی نام اور شکل میں ہو، انسانیت کی دشمن ہے،شہریوں کو یقین دلاتا ہوں، کراچی کے امن و ترقی پر کوئی آنچ آنے نہیں دیں گے۔چیئرمین بلاول بھٹو زرداری نے دھماکے میں شہید ہونے والی خاتون کے اہلخانہ سے دلی تعزیت و ہمدردی کا اظہار ۔پی پی پی چیئرمین نے دھماکے میں زخمی ہونے والے شہریوں کی جلد صحتیابی کی دعا کی ہے۔
