راولپنڈی (این این آئی)آرمی چیف جنرل قمر جاوید باجوہ سے ترکی کے وزیر دفاع جنرل ریٹائرڈ ہولوسی آکار نے ملاقات کی جس میں دفاعی اور سیکیورٹی تعاون سمیت باہمی دلچسپی کے امور اور علاقائی سلامتی کی مجموعی صورتحال پر تبادلہ خیال اوردوطرفہ تعلقات کو مزید فروغ دینے کے عزم کا اعادہ کیا گیا ۔ ہفتہ کو آئی ایس پی آر کے مطابق آرمی چیف جنرل قمر جاوید باجوہ سے ترکی کے وزیر دفاع جنرل ریٹائرڈ ہولوسی آکار نے ملاقات کی۔ جس میں دفاعی اور سیکیورٹی تعاون سمیت باہمی دلچسپی کے امور اور علاقائی سلامتی کی مجموعی صورتحال پر تبادلہ خیال کیا گیا، دونوں جانب سے خطے میں امن و استحکام کیلئے کوششوں سمیت دوطرفہ تعلقات کو مزید فروغ دینے کے عزم کا اعادہ کیا گیا۔ ترک وزیر دفاع نے علاقائی سلامتی اور روابط کیلئے پاکستان کے کردار کو سراہا، ترک وزیر نے علاقائی اور بین الاقوامی امور پر پاکستان کے موقف کے لئے ترکی کے بھرپور تعاون کی توثیق کی۔
