اسلام آباد (این این آئی )ترجمان پیپلزپارٹی فیصل کریم کنڈی نے کہا ہے کہ بھارتی میں قید حریت پسند یاسین ملک کی زندگی کو سخت خطرہ ہے ۔ اپنے بیان میں انہوںنے کہاکہ 25مئی کا دن کشمیریوں سے یکجہتی اور ان سے ہم آواز بننے کا دن تھا ۔ انہوںنے کہاکہ بھارتی میں قید حریت پسند یاسین ملک کی زندگی کو سخت خطرہ ہے ۔ انہوںنے کہاکہ عمران خان نے ہمیشہ قومی یکجہتی کو ثبوتاژکیا ہے، سوال یہ ہے کہ تماشا لگانے کیلئے عمران خان نے آج کے دن کا انتخاب کیوں کیا ۔ فیصل کریم کنڈی نے کہاکہ بھارت نے مقبوضہ کشمیر پر جارحیت کی تو عمران نے قومی اتفاق رائے کو ثبوتاژ کیا تھا۔ انہوںنے کہاکہ عمران خان کا 2014 کا لانگ مارچ بھی خونی تھا ،عمران خان نے دھرنا اس وقت ختم کیا جب اے پی ایس کا سانحہ ہوا ۔ انہوںنے کہاکہ عمران خان نے آج کے مارچ کو خونی مارچ قرار دیا ہے ، قوم انتشار خان کے گھناؤنی کردار پر غور کرے ۔
