اسلام آباد (این این آئی)مسلم یگ (ن (کے رہنماء اور وفاقی وزیر میاں جاوید لطیف نے کہا ہے کہ عمران خان پہلے سول نافرمانی اور اب خونی انقلاب کے ایجنڈے پر ہے۔ اپنے بیان میں وفاقی وزیر نے کہاکہ عمران خان نے معیشت پہلے تباہ کر چکا اب خانہ جنگی چاہتا ہے۔انہوںنے کہاکہ شہید پولیس اہلکار پر عمران نے بیان دیا ہے کہ گھر میں داخل ہو گے تو گولی ہی لگے گی۔ وفاقی وزیر نے کہاکہ عمران خان لوگوں کو اکسا رہا ہے کہ پولیس پر فائرنگ کی جائے،خانہ جنگی کا آغاز لاہور میں پولیس پر بر فائرنگ سے ہو چکا ہے ۔ انہوںنے کہاکہ عمران خان دارلحکومت میں بلوہ کرنا چاہتا ہے۔ انہوںنے کہاکہ رپورٹس ہیں کہ تحریک انصاف نیاسلام آباد میں مختلف جگہوں پر اسلحہ چھپا رکھا ہے۔ انہوںنے کہاکہ مختلف علاقوں میں بلوائیوں کی ڈیوٹیاں لگائی گئی ہیں۔ وفاقی وزیر نے کہا کہ ایک صوبے کی حکومت وفاق پر حملہ کرنے آ رہی ہے،آج پاکستان حالت جنگ میں ہے ادارے اپنا آئینی رول ادا کریں۔ انہوںنے کہاکہ اگر عمران اٹک سے آگے نکلا تو اسے گرفتار کریں گے
