اسلام آباد (این این آئی) چیئرمین پیپلز پارٹی و وزیر خارجہ بلاول بھٹو زرداری نے کہا ہے کہ انسانی خودغرضی کی وجہ سے پیدا ہونیوالے نقصانات سے سمندروں کو بچانے کیلئے عالمی برادری ،سمندری حیاتیات کے ماہرین مل کر بیٹھیں، دریائوں کے پانی پر غیرمنصفانہ کنٹرول کی وجہ سے سمندروں کے ڈیلٹائی علاقے تیزی سے ختم ہو رہے ہیں،پاکستان بطور ایک ذمہ دار ملک اقوام متحدہ کی تھیم”حیات نو،سمندر کیلئے اجتماعی کارروائی ” کو اجاگر کرنے میں اپنا کردار ادا کرے گا ۔سمندروں کے عالمی دن کے موقع پر اپنے پیغام میں پی پی پی چیئرمین و وزیر خارجہ بلاول بھٹو زرداری نے کہا کہ رپورٹس ہیں کہ سمندر میں بڑی مچھلیوں کی تعداد میں 90فیصد کمی اور مونگے کی چٹانوں کی 50فیصد تباہ ہوچکی ہیں۔ انہوں نے کہا کہ انسانی خودغرضی کی وجہ سے پیدا ہونے والی یہ صورتحال پاکستان سمیت عالمی برادری کیلئے انتہائی تشویشناک ہے۔انہوں نے کہا کہ سمندر کرہ ارض پر 50فیصد آکسیجن پیدا اور انسانوں کی پیدا کردہ کاربن ڈائی آکسائیڈ کا 30فیصد جذب کرتے ہیں۔ انہوں نے کہا کہ دریائوں کے پانی پر غیرمنصفانہ کنٹرول کی وجہ سے سمندروں کے ڈیلٹائی علاقے تیزی سے ختم ہو رہے ہیں۔انہوں نے کہا کہ دریائوں کے بالائی حصوں پر غیرفطری ڈیموں کی تعمیر اور پانی کے قدرتی راستوں میں رکاوٹیں ڈالنا پانی پر غیر منصفانہ کنٹرول ہے۔انہوں نے کہا کہ ایک تحقیق کے مطابق انڈس ڈیلٹا کا 2.4ملین ایکڑ رقبہ سمندر برد ہو چکا ہے۔انہوں نے کہا کہ اگر سمندری کٹائو اسی رفتار سے جاری رہا تو 2035ء تک ساحلی تحصیل شاہ بندر سمندر برد ہو جانے کا خدشہ ہے۔انہوں نے کہا کہ سمندری کٹاو کی موجودہ شرح برقرار رہی تو 2050ع تک سمندر ٹھٹھہ شہر تک پہنچ جانے کا خدشہ ہے۔انہوں نے کہا کہ انسانی خودغرضی کی وجہ سے پیدا ہونیوالے نقصانات سے سمندروں کو بچانے کے لیے عالمی برادری اور سمندری حیاتیات کے ماہرین مل کر بیٹھیں۔انہوں نے کہا کہ پاکستان بطور ایک ذمہ دار ملک اقوام متحدہ کی تھیم Revitalisation: Collective Action for the Oceanکو اجاگر کرنے میں اپنا کردار ادا کرے گا۔
مقبول خبریں
آزاد کشمیر پر بھارتی رہنماؤں کے اشتعال انگیز دعوؤں میں تشویشناک اضافہ ، پاکستان...
اسلام آباد (این این آئی) ترجمان دفتر خارجہ نے کہا ہے کہ آزاد کشمیر پر بھارتی رہنماؤں کے اشتعال انگیز دعوؤں میں تشویشناک اضافہ...
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے...
اسلام آباد (این این آئی)وزیر داخلہ محسن نقوی نے اسلام آباد پولیس خدمت مرکز 24 گھنٹے کھلا رکھنے کا اعلان کردیا۔میڈیا سے گفتگو...
الیکشن کمیشن نے آزاد اراکین قومی اسمبلی کی سنی اتحاد کونسل میں شمولیت تسلیم...
اسلام آباد(این این آئی)الیکشن کمیشن نے پاکستان تحریک انصاف کے آزاد اراکین قومی اسمبلی کی سنی اتحاد کونسل میں شمولیت کو تسلیم کرلیا۔گزشتہ روز...
پنجاب میں رہنماں کے گھر چھاپے مارے جارہے ہیں، پولیس گردی ختم ہونی چاہیے،...
اسلام آباد (این این آئی)قائد حزب اختلاف عمر ایوب نے کہا ہے کہ رات سے ہمارے رہنماں کے گھر چھاپے مارے جارہے ہیں، ہم...
وزیر اعظم 28 اپریل ورلڈ اکنامک فورم میں شرکت کیلئے سعودی عرب روانہ ہوں...
اسلام آباد (این این آئی)وزیر اعظم شہباز شریف ورلڈ اکنامک فورم کے اجلاس میں شرکت کیلئے 28 اپریل کو سعودی عرب روانہ ہوں گے۔ترجمان...