اسلام آباد (این این آئی)وفاقی وزیر اطلاعات مریم اورنگزیب نے فواد چوہدری کے ٹوئٹ پر ردعمل کا اظہار کرتے ہوئے کہاہے کہ پی ٹی وی نے غیر قانونی طور پر اے آر وائے کے ساتھ سودا کیا۔ اپنے بیان میں وفاقی وزیر اطلاعات نے کہاکہ اصل بولی کے نتیجے میں اے آر وائے دوسرے نمبر پر آیا۔ انہوںنے کہاکہ پی ٹی وی نے غیر قانونی طور پر اے آر وائے کے ساتھ سودا کیا۔و زیراطلاعات نے کہاکہ دوسرے نمبر پر آنے پر بولی میں بہتری لانے کا تقاضا کیاگیا،ناکامی پر اے آر وائے کو ٹھیکہ دینے کی خاطر معیار ہی تبدیل کر دیا گیا۔ وفاقی وزیر اطلاعات نے بتایاکہ اے آر وائے نے جس معاہدے پر دستخط کئے، وہ بولی والے کنٹریکٹ سے مختلف تھا۔وفاقی وزیر اطلاعات نے کہاکہ یہ سیدھا سادہ فراڈ تھا، آپ ابھی سے گھبرا کیوں گئے ہیں؟ ۔
