خان صاحب چھ دن کب کے گزر گئے مگر ابھی تک آپ واپس نہیں آئے ‘عطا اللہ تارڑ

0
286

لاہور( این این آئی) صوبائی وزیر عطا اللہ تارڑ نے کہا ہے کہخان صاحب چھ دن کب کے گزر گئے مگر ابھی تک آپ واپس نہیں آئے ، بی آر ٹی ،فارنگ فنڈنگ سمیت ادویات سمیت دیگر کرپشن کے کیسز اپنی جگہ موجود ہیں ،دوسری طرف دیکھا جائے تو ہیرے کی انگوٹھیوں کا شوق ہے اورسابق وزیر اعظم کی اہلیہ جعلی او ر غیر قانونی کام کیلئے ہیرے لیتی تھیں۔ میڈیا سے گفتگو کرتے ہوئے انہوں نے کہا کہ فرح گوگی کے پاس تمام ہیرے آتے تھے، فرح گوگی کے شوہر کو 32 کروڑ روپے کا ٹیکس عمران نیازی نے معاف کیا ۔انہوں نے کہا کہ عمران نیازی اور عثمان بزدار حکومت نے ٹرانسفر پوسٹنگ میں پیسے کمائے ۔انہوں نے سارھے تین سال میں عوام کی فلاح کا کوئی بڑا منصوبہ نہیں شروع کیا ،کوئی وعدہ تو عمران خان صاحب پورا کردو ،خان صاحب چھ دن کب کے گزر گئے مگر ابھی تک آپ واپس نہیں آئے ۔ انہوں نے بتایا کہ پنجاب کا بجٹ پیر کے دن دو بجے پیش کیا جائے گا۔