اسلام آباد (این این آئی)وفاقی وزیر داخلہ رانا ثنا اللّٰہ نے کہا ہے کہ مسلم لیگ (ق) کے رہنما مونس الٰہی کے خلاف منی لانڈرنگ کیس عمران خان کا گفٹ ہے،مونس الٰہی مقدمے پر ناراضگی کا اظہار نہ کریں، مونس الٰہی کو نوٹس جاری کریں گے، اگر یہ پیسہ ان کا ہے تو ثابت کریں، نوٹس نہیں ملا تو موصول ہوجائے گا۔ ایک انٹرویومیں رانا ثنا ء اللّٰہ نے کہا کہ عمران خان کے دور میں مونس الٰہی کی گرفتاری کا فیصلہ ہوا تھا، یہ انکوائری ان کے دور میں مکمل ہوئی تھی۔وفاقی وزیر نے کہا کہ ہم نے پچھلی حکومت میں تیار فائل پر کارروائی شروع کی، یہ ساری انکوائری عمران خان نے ان کے خلاف مکمل کروا کر فائل رکھی ہوئی تھی۔رانا ثنا اللّٰہ نے کہا کہ اس وقت مونس الٰہی کی گرفتاری کا بھی فیصلہ ہوا تھا، مونس الہٰی نے یہ بات پرویز الٰہی کی موجودگی میں خود بتائی تھی۔انہوں نے کہا کہ مونس الٰہی کو نوٹس جاری کریں گے، اگر یہ پیسہ ان کا ہے تو ثابت کریں، انہیں نوٹس نہیں ملا تو موصول ہوجائے گا۔ انہوںنے کہاکہ مونس الٰہی نے ایک نجی کمپنی بنائی، جس نے سارے شیئر خریدے، انہیں باعزت طریقے سے بیٹھا کر کاغذات دکھائے جائیں گے۔وزیر داخلہ نے کہا کہ اس کیس میں 2 افراد نواز بھٹی اور مظہر کو گرفتار کیا گیا ہے، یہ غیر قانونی طریقے سے حاصل کیا گیا پیسہ ہے۔انہوں نے کہا کہ رحیم یار خان کی شوگر ملر نواز بھٹی اور مظہر کے نام پر خریدی گئی، چوہدریوں نے 72 کروڑ کی سرمایہ کاری کی ہے اور رحیم یار خان کی شوگر مل خریدی۔انہوںنے کہاکہ نواز بھٹی اور مظہر حسین ثابت کریں کہ 72 کروڑ ان کے ہیں، یہ کرپٹ پیسہ ہے اور یہ منی لانڈرنگ ہے، یہ ثابت کردیں اس حوالے سے تو ہمیں کوئی اعتراض نہیں۔ انہوںنے کہاکہ اگر ثابت ہوتا ہے کہ اس کے پیچھے چوہدری صاحبان تھے تو مونس کو گلہ نہیں کرنا چاہیے، اگر کچھ ثابت ہوتا ہے تو گرفتاری ہوگی۔انہوںنے کہاکہ کسی جگہ پر کوئی چھاپہ نہیں پڑیگا، مونس آئیں انہیں باعزت طریقے سے بٹھایا جائیگا، ساری دستاویزات رکھی جائیں گی، انہیں پورا موقع دیا جائے گا
مقبول خبریں
بحرین کے فرماں روا نے مشرقِ وسطی پر عالمی کانفرنس بلانے کا مطالبہ کردیا
منامہ(این این آئی)بحرین میں عرب لیگ کے 33 ویں سربراہ اجلاس کے اختتام پر جاری کردہ اعلامیے میں دو ریاستی حل تک فلسطین میں...
رفح میں کسی بھی آپریشن سے قبل شہریوں کا تحفظ ناگزیر ہے،امریکہ
واشنگٹن(این این آئی)امریکی محکمہ دفاع لائیڈ آسٹن نے اسرائیلی وزیر دفاع یوآو گیلنٹ سے فون پربات کرتے ہوئے زور دیا ہے کہ رفح میں...
عالمی برادری فلسطینی بھائیوں کے خلاف وحشیانہ جارحیت بند کرائے،شہزادہ سلمان
منامہ(این این آئی)سعودی عرب کے ولی عہد اور وزیر اعظم شہزادہ محمد بن سلمان نے کہا ہے کہ مملکت فلسطینی ریاست کے قیام اور...
فرانسیسی شہری 13 ممالک سے پیدل ہوتا ہوا عمرہ کرنے پہنچ گیا
پیرس (این این آئی)فرانس کا ایک شہری 13 ممالک سے گزرتا ہوا، طویل سفر پیدل طے کرکے عمرہ ادائیگی کے لیے سعودی عرب...
لائیو اسٹاک سے انسان کو برڈ فلو لگنے کا پہلا کیس سامنے آگیا
واشنگٹن(این این آئی)لائیو اسٹاک سے انسان کو برڈ فلو لگنے کا پہلا کیس امریکہ میں سامنے آیا ہے۔ مریض ایک ڈیری فارمر ہے جسے...