اسلام آ باد(این این آئی)چین میں پاکستانی سفیر معین الحق نے کہا کہ پاکستان ثقافتی تعاون کو بڑھائے گا اور چینی مارکیٹ میں پاکستانی مصنوعات کو فروغ دینے کیلئے ڈو ین پر پاکستان پویلین کو مضبوط بنائیگا۔چائنہ اکنامک نیٹ کے مطابق سفیر معین الحق نے بائٹ ڈانس کا دورہ کیا۔ بائٹ ڈانس کے چائنا پبلک افیئرز اینڈ سٹریٹیجی ڈیپارٹمنٹ نے ان کا استقبال کیا۔ سفیر کو بائٹ ڈانس کے کاروباری آپریشنز اور اس کی مختلف مصنوعات جیسے ڈوئن کے بارے میں بریفنگ دی گئی۔ بائٹ ڈانس ٹیم نے اپنے مختلف سوشل میڈیا پلیٹ فارمز پر پاکستانی ایمبیسی بیجنگ کی فعال موجودگی کا اعتراف کیا۔ بعد ازاں سفیر کو بائٹ ڈانس کی مختلف سہولیات کا دورہ کرایا گیا۔ بات چیت کے دوران سفیر نے ایک دہائی کے مختصر عرصے میں بائٹ ڈانس کی زبردست ترقی کی تعریف کی۔ انہوں نے ثقافتی تعاون کو وسعت دینے اور دوین پر چینی منڈیوں میں پاکستانی مصنوعات کو فروغ دینے کے طریقوں اور ذرائع پر تبادلہ خیال کیا۔ بائٹ ڈانس ایک ٹیکنالوجی کمپنی ہے جس کو ای کامرس اور سوشل میڈیا پلیٹ فارم پر عبور ہے۔ ڈو ین پر چین میں پاکستانی سفارت خانے کے کے اکاو ¿نٹ پر 100000سے زیادہ فالوورز ہیں اور سفارت خانے کے پروموشنل مواد کو لاکھوں ناظرین دیکھتے ہیں۔
