اسلام آباد (این این آئی) ایم کیو ایم کے کنونیئر ڈاکٹر خالد مقبول صدیقی نے ڈاکٹر فاروق ستار کے تمام تحفظات دور کردئیے جس کے بعد معاملات طے پاگئے، عید کے بعد فاروق ستار کا پارٹی میں واپسی کا اعلان متوقع ہے۔ذرائع کے مطابق خالد مقبول صدیقی اور فاروق ستار کے درمیان تنظیمی عہدیداروں اور آزاد بلدیاتی امیدواروں کی ایڈجسمنٹ کا فارمولا بھی طے پاگیا ہے۔ذرائع نے بتایاکہ کراچی اور حیدر آباد میں فاروق ستار کے تنظیمی عہدے داران کو ایڈجسٹ کیا جائے گا، عید کے بعد ڈاکٹر فاروق ستار کی پارٹی میں واپسی کا اعلان متوقع ہے۔ذرائع نے بتایا کہ عید کے بعد پی آئی بی اسٹیڈیم میں جنرل ورکرز اجلاس کیے جانے کا امکان ہے، اجلاس میں فاروق ستار کی ایم کیو ایم میں شمولیت کا اعلان متوقع ہے۔ذرائع کا بتانا کہ فاروق ستار کا این اے 245 سے دستبرداری اور بلدیاتی امیدواروں کیحوالے سے اعلان بھی متوقع ہے۔
