کمر کی تکلیف بڑھ رہی ہے ،ذاتی معالج کو جیل میں شہباز شریف تک رسائی دی جائے’مریم اورنگزیب

0
214

لاہور( این این آئی)پاکستان مسلم لیگ (ن)کی مرکزی ترجمان مریم اورنگزیب نے ذاتی معالج کو جیل میں شہباز شریف تک رسائی دینے کا مطالبہ کرتے ہوئے کہا ہے کہ جیل میں شہبازشریف کی کمر کی تکلیف زیادہ ہونے کا ذمہ دار ووٹ چور عمران خان ہے ،،عمران صاحب جو شخص اپنے سیاسی مخالفین کی صحت پر سیاست کرے وہ قابل ترس ہے ۔ اپنے بیان میں انہوںنے کہاک ہ عمران صاحب جو سیاسی مخالف کی صحت پر سیاست کرے اس سے زیادہ گھٹیا اور چھوٹا شخص کوئی نہیں ہو سکتا،عوام کی دوائیاں مہنگی کر کے دکھی نہیں بلکہ شہباز شریف کی صحت کو نقصان پہنچا کر خوش ہو رہے ہیں ،جان بوجھ کر شہبازشریف کی صحت کو نقصان پہنچا یا جارہا ہے ،عمران صاحب کا اقتدار کا سفر ووٹ چوری ، سیاسی انتقام ،دہشتگردی ، سیاسی مخالفین کو جیلوں میں بند ، میڈیا کی آواز بند کر کے اب شہباز شریف کی صحت پر اختتام پذیرہو رہا ہے ،عمران صاحب شہبازشریف کو اذیت دے کر آپ اپوزیشن کو بلیک میل نہیں کرسکتے