اوباما کی مجھ پر تنقید ذاتی نوعیت کی تھی ، ڈونلڈ ٹرمپ

واشنگٹن (این این آئی)امریکی صدارتی انتخابات کے لیے ریپبلکن پارٹی کے امیدوار ڈونلڈ ٹرمپ نے ڈیموکریٹک پارٹی کے نیشنل کنونشن کے دوران میں سابق صدر باراک اوباما کے بیان پر تبصرہ کیا ہے۔میڈیارپورٹس کے مطابق نارتھ کیرولائنا ریاست میں ایک انتخابی ریلی سے خطاب کرتے ہوئے ٹرمپ نے کہا کہ ڈیموکریٹک کنونشن میں اوباما کی مجھ پر نکتہ چینی ذاتی نوعیت کی تھی۔ٹرمپ کا مزید کہنا تھا کہ مجھے اوباما پسند ہیں۔ وہ ایک اچھے آدمی ہیں۔ میں ان کا اور ان کی اہلیہ کا بہت احترام کرتا ہوں۔