اسلام آباد(این این آئی)وفاقی وزیرداخلہ سید محسن نقوی نے کہاہے کہ عوام کے جان ومال کا تحفظ پہلی ذمہ داری ہے،کسی کو ریڈ زون میں آنے کی اجازت نہیں۔ وزارت داخلہ کی جانب سے جاری بیان کے مطابق وفاقی وزیرداخلہ سید محسن نقوی کی زیر صدارت امن و امان کا جائزہ لینے سے متعلق اعلیٰ سطح کا اجلاس منعقد ہوا۔اجلاس میں امن عامہ کی صورتحال کا تفصیلی جائزہ لیا گیا۔اجلاس سے گفتگوکرتے ہوئے وزیر داخلہ محسن نقوی نے کہاکہ کسی کو ریڈ زون میں آنے کی اجازت نہیں دے سکتے، امن عامہ برقرار رکھنا ہماری اولین ترجیح ہے۔ انہوں نے کہا کہ احتجاج کرنا ہر ایک کا حق ہے،احتجاج مناسب جگہ پر ہونا چاہئے اور احتجاج سے عوام کے روزمرہ معمولات میں خلل نہیں پڑنا چاہئے۔ وزیر داخلہ محسن نقوی نے کہا کہ عوام کے جان ومال کا تحفظ پہلی ذمہ داری ہے، عوام کے جان ومال کے لئے قانون کی عملداری کو یقینی بنایا جائے گا۔ محسن نقوی نے کہا کہ قانون ہاتھ میں لینے والوں کے خلاف قانون حرکت میں آئے گا۔
وفاقی وزیرداخلہ سید محسن نقوی نے کہاہے کہ عوام کے جان ومال کا تحفظ پہلی ذمہ داری ہے،کسی کو ریڈ زون میں آنے کی ا){kind=link}