اسلام آباد(این این آئی)قومی اسمبلی کی قائمہ کمیٹی بین الصوبائی رابطہ نے پاکستان کرکٹ بورڈ (پی سی بی) کو وزارت سے نکال کر وزیراعظم سیکرٹریٹ کے ماتحت کرنے پر تشویش کا اظہار کیا ہے۔ثنااللہ مستی خیل کی زیر صدارت قومی اسمبلی کی قائمہ کمیٹی بین الصوبائی رابطہ کا اجلاس ہوا۔چیئرمین کمیٹی نے سوال کیا کہ پاکستان کرکٹ بورڈ کو وزرات سے کس نے نکالا ہے؟سیکرٹری وزارت بین الصوبائی رابطہ نے کہا کہ چیئرمین پاکستان کرکٹ بورڈ نے وزیراعظم کو خط لکھا تھا جس میں کہا گیا تھا کہ چاہتے ہیں کہ وزیراعظم سیکرٹریٹ کو براہ راست جوابدہ ہوں۔چیئرمین کمیٹی نے حکم دیا کہ اس پر رپورٹ دی جائیکہ کیا رولز کے مطابق پی سی بی کو وزارت سے نکالا گیا ہے؟ پی سی بی کو واپس وزارت بین الصوبائی رابطہ کے پاس آنا چاہیے، وزیراعظم کے ماتحت تو سارے ڈیپارٹمنٹ ہیں، ان کوعلیحدہ لے جانیکی کیا ضرورت تھی۔چیئرمین کمیٹی نے کہا کہ جوبھی نگران دور حکومت میں غیرقانونی کام کیے گئے ان کو ریورس کیا جائے۔
قومی اسمبلی کی قائمہ کمیٹی بین الصوبائی رابطہ نے پاکستان کرکٹ بورڈ (پی سی بی) کو وزارت سے نکال کر){kind=link}