اسلام آباد (این این آئی)ڈنمارک ایمبیسی سے پاکستانی باکسر محمد وسیم کا پاسپورٹ نہ ملنے کی وجہ سے ان کی مالٹا میں ہونے والی ڈبلیو بی ایف بینٹم ویٹ ٹائٹل فائٹ متاثر ہونے کا خدشہ ہے۔محمد وسیم کی ڈبلیو بی ایف بینٹم ویٹ ٹائٹل فائٹ مالٹا میں شیڈول ہے تاہم اب تک انہیں ڈنمارک ایمبیسی سے پاسپورٹ نہ مل سکا ہے۔باکسر محمد وسیم نے سوشل میڈیا پر وزیراعلیٰ پنجاب مریم نواز کیلئے اپنے پیغام میں کہا کہ وزیراعظم پاکستان اور وزیراعلیٰ پنجاب سے پاسپورٹ واپس دلوانے کی اپیل کرتا ہوں ، پاسپورٹ نہیں ملا تو مالٹا میں 4 اکتوبر میں شیڈولڈ فائٹ کی تیاری متاثر ہوگی۔ محمد وسیم نے بتایا کہ ڈنمارک کے ویزے کیلئے 22 جولائی کو پاسپورٹ جمع کرایا تھا، فائٹ قریب ہے اور پاسپورٹ پھنس جانے سے تربیتی کیمپ میں شامل نہ ہونے پر مشکلات ہیں۔انہوں نے لکھا کہ 4 اکتوبر کو عالمی ٹائٹل کیلئے فائٹ ہے اور میرے پاس پاسپورٹ نہیں ہے، جلد پاسپورٹ واپس کیا جائے تاکہ اپنی فائٹ کی تیاری کر سکوں۔
ڈنمارک ایمبیسی سے پاکستانی باکسر محمد وسیم کا پاسپورٹ نہ ملنے کی وجہ سے ان کی مالٹا میں ہونے والی ڈبلیو){kind=link}