اسلام آباد /لاہور(این این آئی)وفاقی وزیرِ اطلاعات عطاء اللّٰہ تارڑ نے کہا ہے کہ بشریٰ بی بی جو جھوٹا بیانیہ بنا رہی ہیں اس میں کوئی حقیقت نہیں، نفرت تقسیم کی سیاست کرنے والوں کی اپنی پارٹی انتشار کا شکار ہے، علیمہ اور بشریٰ گروپس پی ٹی آئی پر قبضہ کرنا چاہتے ہیں۔عطاء اللّٰہ تارڑ نے میڈیا سے گفتگو کرتے ہوئے کہاکہ انتشار کی سیاست کی بنیاد بانی پی ٹی آئی نے رکھی، نفرت اور انتشار کی سیاست کے نتائج اچھے نہیں ہوتے، اب اِن کی اپنی پارٹی انتشار کا شکار ہے، گروپ بندی سامنے آئی ہے۔انہوں نے کہا کہ علیمہ خان کا بیان سامنے آیا ہے کہ بشریٰ بی بی ڈس انفارمیشن سیل چلا رہی تھیں، علیمہ گروپ اور بشریٰ گروپ پی ٹی آئی میں موجود کئی گروپوں میں سیدو ہیں، علیمہ خان نے بشریٰ بی بی کے بیان کو جھوٹا قرار دیا، علیمہ خان نے کہا ہمدردی کا بیانیہ بنایا جا رہا ہے جو من گھڑت ہے۔عطاء تارڑ نے کہا کہ بشریٰ بی بی نے جو بات کی ہیجھوٹ پر مبنی ہے، اْنہوں نے تقسیم کیا، نفرتیں پھیلائیں، آج ان کی اپنی پارٹی اس کا شکار ہے، پارٹی پر قبضے کی جنگ میں آپ ملک کے خلاف مہم چلاتے ہیں، پارٹی پرقبضے کی جنگ میں ملکی مفاد کو نقصان پہنچایا جا رہا تھا۔عطاء اللّٰہ تارڑ نے کہا کہ ان دونوں خواتین کی جنگ پہلے سے چلی آرہی ہے، بشریٰ بی بی کی کوشش تھی وہ پارٹی پر اپنی گرفتار مضبوط کرے، علیمہ خان نے بشریٰ بی بی کی کوشش کو ناکام بنایا، پی ٹی آئی کے ڈس انفارمیشن سیل ملکی مفاد کو نقصان پہنچا رہے ہیں۔انہوں نے کہا ہے کہ تحریکِ انتشار ملک کو نقصان پہنچانے کی سیاست کر رہی ہے، اس نے ملک کے اداروں کے خلاف پروپیگنڈا کیا، انتشار کی سیاست کی بنیاد بانی پی ٹی آئی نے رکھی۔عطاء تارڑ نے کہا کہ انہوں نے معاشرے کو تقسیم کیا، لوگوں کو ایک دوسرے سے لڑایا، تحریک انصاف کی پارٹی خود انتشار کا شکار ہے، نفرت کی سیاست کا انجام اچھا نہیں ہوتا۔انہوں نے کہا کہ علیمہ خان نے رئوف حسن سے کہا کہ بشریٰ بی بی جھوٹی خبریں پھیلا رہی ہیں، بشریٰ بی بی ہمدردی کے لیے جھوٹا اور ہمدردی کا بیانیہ پھیلا رہی ہیں، تحریک انتشار میں مختلف گروپس بن گئے ہیں۔وزیرِ اطلاعات عطاء تارڑ نے کہا کہ تحریک انتشار میں کئی ڈس انفارمیشن سیل چل رہے ہیں، ایک ڈس انفارمیشن سیل رئوف حسن علیمہ خان کے ساتھ مل کر چلا رہے تھے، دوسرا ڈس انفارمیشن سیل بشریٰ بی بی چلا رہی تھیں، انہوں نے لوگوں کو تقسیم کیا آج ان کی اپنی پارٹی تقسیم اور انتشار کا شکار ہے، سیاسی مفادات کے لیے ملک کو نقصان پہنچانے کی کوششیں ہو رہی ہیں۔
وفاقی وزیرِ اطلاعات عطاء اللّٰہ تارڑ نے کہا ہے کہ بشریٰ بی بی جو جھوٹا بیانیہ بنا رہی ہیں اس میں کوئی){kind=link}