اسلام آاباد(این این آئی)وفاقی وزیر پٹرولیم مصدق ملک نے کہاہے کہ چند لوگوں کے اے سی کیلئے سب پر کپیسٹی چارجز لگتے ہیں،دنیا میں حکومتیں بجلی گیس نہیں خریدتیں لیکن پاکستانی حکومت خریدتی ہے۔۔تفصیلات کے مطابق سینیٹر عمر فاروق کی زیر صدارت سینیٹ کی قائمہ کمیٹی پیٹرولیم کا اجلاس ہوا۔اجلا س میں ڈی جی گیس نے بریفنگ دی کہ حکومت کی 2005 پالیسی کے تحت ملک میں 1180 کیپٹو پاور پلانٹس لگائے گئے ہیں، جنہیں 358 ایم ایم سی ایف ڈی گیس فراہم کی جاتی ہے، 797 پاورپلانٹس سندھ میں ہیں، ان پلانٹس کا آڈٹ کرنے کی کوشش کی گئی پر کامیابی نہیں ہوئی۔ڈی جی نے کہا کہ پیٹرولیم ڈویڑن کی تجویز آئی کہ کیپٹو پاور پلانٹس کو گرڈ پر منتقل کیا جائے تاہم پیٹرولیم ڈویڑن نے کبھی پلانٹس کو بند کرنے کی کی بات نہیں کی، پاور ڈویڑن نے آئی ایم ایف کو تجویز دی کہ ان کیپٹو پاور پلانٹس کو بند کروایا جائے، اس سے صنعتی شعبہ گرڈ سے بجلی لے گا اور بجلی گرڈ پر کیپسٹی چارجز ختم کرنے میں مدد ملے گی، اب کیپٹو پاور پلانٹس کو گیس فراہمی پر کوئی سبسڈی فراہم نہیں کی جا رہی ہے۔وفاقی وزیر پٹرولیم مصدق ملک نے بتایا کہ کراچی میں ایک انڈسٹریل ایریا میں 200 تک انڈسٹریل یونٹس ہیں، جن میں سے 10 سے 12 کے پاس کیپٹو پاور ہے، کچھ انڈسٹریز کے الیکٹرک سے 60 روپے کی بجلی لے رہی تھی، کچھ انڈسٹری کہیں سے مہنگی کہیں سے سستی بجلی خرید رہی تھی، اس طرح انڈسٹری میں کارٹلائزیشن بن چکی تھی، اس لیے انڈسٹری کیلئے لیول آف پلینگ فیلڈ کا ہونا ضروری ہے، پالیسی ایسی ہوکہ ہمارے بچوں کو لگے کہ ملک میں صرف 10 سے 15 سیٹھ نہیں ہیں۔مصدق ملک نے کہا کہ چند لوگوں کے ایئر کنڈیشنر کے استعمال کیلئے سب پر کپیسٹی پیمنٹس لگانی پڑتی ہیں،ان ایئر کنڈیشنز کیلئے ہمیں سال بھر کپیسٹی ادا کرنا پڑتی ہے، اشرافیہ کی ڈیمانڈز کو اب کچھ کم کرنا پڑے گا، کچھ بوجھ تو اب اس اشرافیہ کو بھی اٹھانا پڑے گا، کیپسٹی پیمنٹ بینک کے قرضے کی قیمت ہے۔وزیر پٹرولیم نے کہاکہ دنیا میں حکومتیں بجلی گیس نہیں خریدتیں لیکن یہاں حکومت خریدتی ہے،ہم پیٹرولیم سیکٹر کی قیمتوں کو ڈی ریگولیٹ کرینگے، اگر عوام کا تحفظ نہ ہوا تو پھر ڈی ریگولیٹ نہیں کرینگے۔
مقبول خبریں
صدرِ مملکت نے پریکٹس اینڈ پروسیجر آرڈیننس پر دستخط کر دئیے
اسلام آباد (این این آئی)صدرِ مملکت آصف علی زرداری نے پریکٹس اینڈ پروسیجر آرڈیننس پر دستخط کر دیے۔اس سے قبل وزیرِاعظم شہباز شریف...
محسن نقوی کا جنوبی و شمالی وزیرستان میں فتنہ الخوارج کے 12 دہشتگردوں کو...
اسلام آباد (این این آئی)وفاقی وزیرداخلہ محسن نقوی نے جنوبی و شمالی وزیرستان میں فتنہ الخوارج کے 12 دہشتگردوں کو جہنم واصل کرنے پر...
دنیا کے نایاب ترین ممالیہ انڈس ڈولفن کی تعداد میں اضافہ انتہائی خوش آئند...
اسلام آباد (این این آئی)چیئرپرسن سینیٹ قائمہ کمیٹی برائے ماحولیاتی تبدیلی سینیٹر شیری رحمان نے انڈس ڈولفن کی تعداد میں اضافے کے حوالے سے...
بلاول بھٹو زر داری کا شہید میر مرتضیٰ بھٹو کو ان کے یومِ شہادت...
اسلام آباد (این این آئی) پاکستان پیپلز پارٹی کے چیئرمین بلاول بھٹو زرداری نے شہید میر مرتضیٰ بھٹو کے یوم شہادت پر اپنے...
وزیراعظم شہباز شریف سے چین کے روئیی گروپ کی وفد کی ملاقات
اسلام آباد (این این آئی)وزیرِ اعظم محمد شہباز شریف نے کہا ہے کہ چین ہر مشکل وقت میں پاکستان کے ساتھ کھڑا رہا ہے...