اسلام آبا د(این این آئی)وفاقی وزیر داخلہ محسن نقوی سے چیئرمین مرکزی رؤیت ہلال کمیٹی پاکستان مولانا سید محمدعبدالخبیر آزاد نے ملاقات کی جس میں قیام امن اور دہشت گردی وفرقہ واریت کے خاتمے ، مذہبی ہم آہنگی ، رواداری اور بین المسالک اتحاد کو فروغ دینے کے لئے اقدامات پر تبادلہ خیال کیا گیا۔ وزیر داخلہ محسن نقوی نے کہاکہ دہشتگردوں کا کوئی دین و مذہب نہیں ،دہشتگردی کے خلاف جنگ میں علماء کرام نے پہلے بھی قوم کی رہنمائی کی اور اب بھی اس کی اشد ضرورت ہے،دہشتگردی کے خلاف جنگ میں موثر بیانیہ کے لیے تمام مسالک کے علماء کرام سے مشاورت کی جائے گی۔ انہوں نے کہا کہ علماء کرام سے مشاورت کی قومی مہم کا جلد آغاز کیا جائیگا، دہشتگردی کے خلاف جنگ پاکستان کی بقا جنگ ہے۔اس ناسور کے خاتمے کے لئے علماء کرام کو ایک بار پھراپنا عظیم کردار کرنا ہے۔علماء کرام نے ہمیشہ پاکستان کی تعمیر و ترقی میں اپنا بھرپور کردار ادا کیا ہے۔ انہوں نے کہا کہ دشمن بدامنی پھیلا کر انتشار پیدا کر کے قومی یکجہتی کو نقصان پہنچانا چاہتا ہے۔ سب ملکر دشمن کے ناپاک ایجنڈے کو ناکام بنائیں گے۔ مولانا سید عبدالخیر آزاد نے کہا کہ پیغام پاکستان،پاکستان کاوہ عظیم بیانیہ ہے جس نے دہشت گردی،انتہاء پسندی اور فرقہ واریت کو حرام قرار دیا ہے۔ موجودہ حالات میں بین المسالک و بین المذاہب ہم آہنگی اور قومی یکجہتی کیلئے سب کو کردار ادا کرنا ہوگا۔ پاکستان میں قیام امن کیلئے وزیر داخلہ محسن نقوی کی کوششیں اور خدمات لائق تحسین ہیں۔ انہوں نے کہا کہ دہشت گردی،انتہاء پسندی کے خاتمے کیلئے پوری قوم اپنی بہادر مسلح افواج اور سیکورٹی اداروں کے ساتھ کھڑی ہے۔ وزیر داخلہ محسن نقوی نے مولانا عبدالخبیر آزاد کی مذہبی ہم آہنگی،اتحاد و وحدت کے حوالے سے خدمات کو سراہا۔
وفاقی وزیر داخلہ محسن نقوی سے چیئرمین مرکزی رؤیت ہلال کمیٹی پاکستان مولانا سید محمدعبدالخبیر){kind=link}