کراچی (این این آئی)شوبز انڈسٹری کی سابقہ اداکارہ عائشہ خان کی بیٹی ماہ نور کے ساتھ سالگرہ منانے کی تصاویر وائرل ہوگئیں۔فوٹو اور ویڈیو شیئرنگ ایپ انسٹاگرام پر سابقہ اداکارہ عائشہ خان نے تصاویر شیئر کیں جس میں انہیں صاحبزادی ماہ نور کے ساتھ اپنی 42ویں سالگرہ کا کیک کاٹتے دیکھا جاسکتا ہے۔عائشہ خان نے اس موقع پر سیاہ لباس کا انتخاب کیا جبکہ بیٹی بھی اسی رنگ لباس میں ملبوس ہیں۔انہوں نے تصاویر شیئر کرتے ہوئے کیپشن میں لکھا کہ ‘حسین جوڑے کے ساتھ سالگرہ کا جشن منارہی ہیں۔عائشہ خان نے گزشتہ روز یہ تصاویر شیئر کیں جسے مداحوں کی جانب سے خوب سراہا جارہا ہے اور اس پر تعریفی کمنٹس بھی کیے جارہے ہیں۔واضح رہے کہ سابقہ اداکارہ اکثر بیٹی کے ساتھ تصاویر شیئر کرتی رہتی ہیں جسے ان کے مداح بھی پسند کرتے ہیں، اس سے قبل بھی انہوں نے تصاویر شیئر کی تھی جنہیں صارفین کی جانب سے پسند کیا گیا تھا۔
شوبز انڈسٹری کی سابقہ اداکارہ عائشہ خان کی بیٹی ماہ نور کے ساتھ سالگرہ منانے کی تصاویر){kind=link}