اسلام آباد(این این آئی) وفاقی دارالحکومت کے اہم مقامات پر پولیس اور رینجرز تاحال موجود ہیں جب کہ ریڈ زون میں پاک فوج کا گشت بھی جاری ہے۔اسلام آباد میں جناح ایونیو، ڈی چوک سمیت دیگر اہم مقامات پر قانون نافذ کرنے والے اداروں کے اہل کاروں کی نفری موجود ہے۔ ڈی چوک ،جناح ایونیو،بلیو ایریا میں صورتحال سکیورٹی فورسز اور انتظامیہ کے کنٹرول میں ہے۔جناح ایونیو، چائنا چوک ، ڈی چوک میں پولیس و رینجرز کی نفری تاحال موجود ہے۔ اسی دوران پاک فوج کے دستوں کی جانب سے ریڈ زون کی حدود میں گشت بھی کیا گیا۔ قبل ازیں پولیس احتجاج کے اسلام آباد آنے والے مظاہرین کو جناح ایونیو اور اطراف کے علاقوں سے باہر نکالنے میں کامیاب ہو گئی تھی جبکہ جناح ایونیو، ڈی چوک ، چائنا چوک سے سیکڑوں مظاہرین کو گرفتار بھی کیا گیا تھا۔اسی اثنا میں اسلام آباد پولیس نے جناح ایونیو، ڈی چوک اور آبپارہ میں فلیگ مارچ کیا جب کہ رات گئے تک مارگلہ روڈ کے علاوہ ریڈ زون کے تمام داخلی راستے بھی بند تھے۔ اسی طرح سرینہ چوک، نادرہ چوک، ڈی چوک پر کنٹینرز موجود ہیں۔دوسری جانب زیرو پوائنٹ ،فیض آباد، ایکسپریس وے کے مقامات سے کنٹینرز ہٹا دیے گئے ہیں اور ٹریفک کو بحال کردیا گیا ہے۔واضح رہے کہ شنگھائی تعاون تنظیم کا سربراہ اجلاس اسلام آباد میں ہوگا، جس کے تناظر میں غیر ملکی وفود کی پاکستان آمد جاری ہے، اس تناظر میں وفاقی دارالحکومت کی سکیورٹی کو فول پروف بنایا جا رہا ہے۔
مقبول خبریں
کراچی میں عملے کو لے جانے والے قافلے پر حملہ کیا گیا’ چینی سفارتخانہ
اسلام آباد(این این آئی) چینی سفارتخانے نے کہا ہے کہ کراچی میں چینی عملے کو لے جانے والے قافلے پر ایئرپورٹ کے قریب حملہ...
اسلام آباد’ا ہم مقامات پر پولیس و رینجرز تاحال موجود، ریڈزون میں پاک فوج...
اسلام آباد(این این آئی) وفاقی دارالحکومت کے اہم مقامات پر پولیس اور رینجرز تاحال موجود ہیں جب کہ ریڈ زون میں پاک فوج...
آل پارٹیز کانفرنس کا انعقاد فلسطینی عوام کیساتھ ہماری مستقل حمایت کا اظہارہے، شیری...
اسلام آباد(این این آئی) نائب صدر پیپلز پارٹی سینیٹر شیری رحمان کاکہنا ہے کہ اسرائیلی حملوں کے ایک سال مکمل ہونے پر پاکستان میں...
عالمی برادری فلسطین میں دیرپا امن کیلئے سازگار ماحول کو فروغ دے ، یوسف...
اسلام آباد(این این آئی) چیئرمین سینیٹ سید یوسف رضا گیلانی نے کہا ہے کہ عالمی برادری فلسطین میں دیرپا امن کے لیے سازگار ماحول...
اسرائیلی ظلم کے شکار فلسطینیوں کی مدد جاری رکھیں گےٕ، وزیراعظم
اسلام آباد(این این آئی) وزیراعظم شہباز شریف نے کہا ہے کہ پاکستان اسرائیلی ظلم و جبر کے شکار فلسطینی بہن بھائیوں کی اخلاقی، سفارتی...