کراچی(این این آئی)لبنان میں پھنسے ہوئے 79پاکستانیوں کیلئے خصوصی پرواز کراچی پہنچ گئی ۔وزیر اعظم پاکستان کی ہدایات کے مطابق لبنان کی جنگ زدہ عوام کوفلاحی بنیادوں پر امداد روانہ کی جا رہی ہے، وزیر اعظم کی ہدایت پر این ڈی ایم اے نے 9 اکتوبر 2024 کو لبنان میں پھنسے ہوئے 79پاکستانیوں کے لیے ایک خصوصی پرواز کا اہتمام کیا جو کراچی کے جناح انٹرنیشنل ایئرپورٹ پر پہنچی۔گورنر سندھ کامران ٹسوری،وفاقی وزیر خالد مقبول صدیقی اور صوبائی وزیر صنعت جام اکرام اللہ دہریجو نے لبنان سے آنے والے پاکستانیوں کا استقبال کیا۔مزید برآں این ڈی ایم اے نے اسی چارٹرڈ طیارے کے ذریعے لبنان کیلئے 3x ٹن ادویات پر مشتمل امداد بھی روانہ کی۔ یہ امدادی پیکج این ڈی ایم اے، پاکستان آرمی، اور الخدمت فاؤنڈیشن کی مشترکہ کاوش ہے۔وزارت خارجہ، این ڈی ایم اے اور مسلح افواج کے حکام سمیت الخدمت فاؤنڈیشن کے نمائندوں نے جناح انٹرنیشنل ایئرپورٹ کراچی پر سامان روانگی تقریب میں شرکت کی۔ پاکستان اس مشکل وقت میں لبنان کی عوام کی حمایت،ان کے ساتھ یکجہتی اور پرامن حل کا خواہاں ہے۔
لبنان میں پھنسے ہوئے 79پاکستانیوں کیلئے خصوصی پرواز کراچی پہنچ گئی ۔وزیر اعظم پاکستان){kind=link}