اسلام آ با د(این این آئی)چائنہ میڈیا گروپ کے تحت سی جی ٹی این اردو اور ایف ایم 98 دوستی چینل نے انسٹی ٹیوٹ آف ریجنل اسٹڈیز کے تعاون سے اسلام آباد میں پری-ایس سی او کانفرنس کا انعقاد کیا۔جمعہ کے روز علاقائی روابط اور شراکت داری کے عنوان سے منعقدہ تقریب میں حکومت اور تعلیمی اداروں کے نمایاں مقررین نے شرکت کی۔ تقریب کے مہمانِ خصوصی وفاقی وزیربرائے اطلاعات و نشریات عطا اللہ تارڑ نے اپنے خطاب کے دوران پاکستان اور چین کے درمیان دیرینہ دوستی کی اہمیت پر زور دیا۔ انہوں نے پاکستان کی آئی ٹی برآمدات اور مجموعی اقتصادی ترقی میں چین کے اہم کردار کو اجاگر کیا۔ وفاقی وزیر نے کہا کہ ایس سی او فورم پاکستان کیلئے رکن ممالک کے ساتھ تجارت کے فروغ کا ایک بہترین موقع فراہم کرتا ہے۔ عطا اللہ تارڑ کا مزید کہنا تھا کہ چائنا میڈیا گروپ پاکستان اور چین کے درمیان تعلقات کو مزید مضبوط کرنے میں اہم کردار ادا کر رہا ہے۔ تقریب کے گیسٹ آف آنر ، وفاقی وزیر برائے سمندری امورقیصراحمد شیخ نے علاقائی روابط کیلئے پاکستان کی اسٹریٹجک اہمیت کے حوالے سے بات کرتے ہوئے کہاکہ پاکستانی بندرگاہوں سے ہر سال 3 ملین سے زائد کنٹینرز کا ٹرانزٹ ہوتا ہے اور ملک کی پچاس فیصد تجارت بندرگاہوں کے راستے سے ہونے کی توقع ہے۔ وفاقی وزیر نے پاکستان کی بندرگاہ کے بنیادی ڈھانچے میں سرمایہ کاروں کی بڑھتی ہوئی دلچسپی پر زور دیا۔تقریب سے خطاب کے دوران رکن قومی اسمبلی سحر کامران نے تجارت کو آسان بنانے اور اقتصادی تعلقات کو مضبوط بنانے کیلئے ایس سی او ممالک کے مابین مشترکہ کرنسی متعارف کروانے کی ضرورت پر زوردیا۔انہوں نے کہاکہ رکن ممالک کو علاقائی تجارت اور اقتصادی تعاون کو فروغ دینے کیلئے مشترکہ کرنسی متعارف کرانے پر اتفاق رائے قائم کرنے کی کوشش کرنی چاہیئے ۔ سحر کامران کاکہنا تھا کہ اس اقدام سیڈالر پر انحصار کم کرنے اور ایس سی او کے رکن ممالک کے مابین تجارت کو آسان بنانے میں بھی مدد حاصل ہو گی۔اس موقع پر انسٹی ٹیوٹ آف ریجنل اسٹڈیز کے صدرجوہر سلیم نے ایس سی او کی اہمیت پر روشنی ڈالی۔ انہوں نے کہا کہ آبادی کے لحاظ سے ایس سی او دنیا کی دوسری بڑی تنظیم ہے، جس کا عالمی جی ڈی پی میں 40 فیصد حصہ ہے ۔ جوہر سلیم کاکہنا تھا کہ ایس سی او اپنے رکن ممالک کے درمیان تجارت اور سیکیورٹی بڑھانے کیلئے مواقع فراہم کرتا ہے۔نیشنل انسٹی ٹیوٹ آف میری ٹائم افیئرز کی نمائندگی کرتے ہوئے فیصل شاہ نیکہا کہ بندرگاہوں کی سیکیورٹی کو یقینی بنا کر رکن ممالک کے مابین تجارت کو مزید بڑھایا جا سکتا ہے۔اس موقع پر بین الاقوامی تعلقات کی ماہر ڈاکٹر سلمی ملک نے شنگھائی تعاون تنظیم کے رکن ممالک میں خواتین کی معاشی اور سماجی حیثیت کومحفوظ بنانے پر زور دیا ۔ تقریب سے خطاب کرتے ہوئے سیاحت کی صنعت سے وابستہ صدف ملک نے کہا کہ سال 2022 میں پاکستان کے جی ڈی پی میں سیاحت کی صنعت کا 5.9 فی صد حصہ شامل تھا، جو 2030 تک 30 بلین ڈالر تک پہنچنے کی توقع ہے۔
مقبول خبریں
ایس سی او فورم پاکستان کیلئے تجارت کے فروغ کا ایک بہترین موقع ہے،...
اسلام آ با د(این این آئی)چائنہ میڈیا گروپ کے تحت سی جی ٹی این اردو اور ایف ایم 98 دوستی چینل نے انسٹی ٹیوٹ...
لائی چھنگ ڈے انتظامیہ چین کی وحدت کے عمومی رجحان کو روک نہیں سکتی...
بیجنگ(این این آئی) چینی وزارت خارجہ کی ترجمان ما ننگ نے یومیہ پریس کانفرنس میں تین امریکی فوجی اداروں اور 10 سینئر مینیجرز کے...
عوام کے درمیان دوستی عالمی امن کے لئے ایک لازوال محرک قوت ہے، چینی...
بیجنگ (این این آئی)چینی صدر شی جن پھنگ نے بیجنگ کے عظیم عوامی ہال میں چائنا انٹرنیشنل فرینڈشپ کانفرنس اور غیر ملکی ممالک کے...
وزیر اعلیٰ پنجاب مریم نواز نے نامور قانون دان بیرسٹر امجد ملک کو وائس...
اسلام آباد (این این آئی)وزیر اعلیٰ پنجاب مریم نواز شریف نے برطانیہ کے نامور قانون دان بیرسٹر امجد ملک کو وائس چیئرمین پنجاب اوورسیز...
آسٹریلیا پاکستان میں پانی کے منصوبے کے لئے 3 ملین آسٹریلوی ڈالر فراہم کرے...
اسلام آباد(این این آئی)وزارت اقتصادی امور کی کوششیں رنگ لے آئیں، آسٹریلیا پاکستان میں پانی کے منصوبے کے لئے 3 ملین آسٹریلوی ڈالر فراہم...