ماسکو (این این آئی )روسی صدر ولادی میر پوتین نے باور کرایا ہے کہ اسرائیل اور یران کے درمیان حل تک پہنچنا ممکن ہے تاہم اس کو یقینی بنانا دشوار ہو گا۔غیرملکی خبررساں ادار کے مطابق پوتین نے یہ بات اسرائیل اور ایران کے درمیان جنگ چھڑنے کے امکان کے اندیشے پر تبصرے میں کہی۔پوتین نے گفتگو میں کہا کہ ہم سعودی عرب کو ایک دوست ملک سمجھتے ہیں۔ میرا شاہ سلمان کے ساتھ اچھا تعلق ہے، اسی طرح ولی عہد کے ساتھ بھی میرے مضبوط ذاتی مراسم ہیں۔ میں سعودی عرب کی سچائی پر یقین رکھتا ہوں(یوکرین کے ساتھ معاملے میں ثالثی کی حیثیت سے)، اگر سعودی عرب میں کانفرنس کا انعقاد ہوتا ہے تو یقینا یہ ہمارے لیے بھی اطمینان بخش جگہ شمار ہو گی۔پوتین نے مزید کہا کہ یوکرین کو چاہیے کہ ماسکو کے ساتھ بات چیت کے اجرا پر عائد پابندی ختم کرے۔ روسی صدر نے باور کرایا کہ ان کا ملک یوکرین کے ساتھ مکالمے کے لیے تیار ہے تاہم اس بنیاد پر جس پر پہلے ہی اتفاق ہو چکا ہے۔ پوتین نے روس یوکرین بحران کے حل کے لیے سعودی عرب کی جاری کوششوں کو سراہا۔روسی صدر کے مطابق ماسکو یوکرین میں پر امن تصفیے کا خواہش مند ہے تاہم انھوں نے زور دے کر کہا کہ ہم کامیابی کے لیے جنگ جاری رکھیں گے۔ پوتین کے مطابق یوکرین میں جوہری ہتھیار بنانے کے کسی بھی اقدام کا مناسب رد عمل سامنے آئے گا۔ ان کا کہنا تھا کہ یہ ایک خطرناک اشتعال انگیزی ہے کیوں کہ اس جانب کسی بھی قدم کے مقابل مناسب رد عمل ہو گا۔
روسی صدر ولادی میر پوتین نے باور کرایا ہے کہ اسرائیل اور یران کے درمیان حل تک){kind=link}