واشنگٹن(این این آئی)وزیر خزانہ محمد اورنگزیب سے ورلڈ بینک اورآئی ایم ایف کی سالانہ میٹنگز کے موقع پر ان کے سعودی ہم منصب محمد الجدان نے ملاقات کی جس دوران باہمی دلچسپی کے شعبوں میں تعاون بڑھانے پر اتفاق کیا گیا۔ دونوں وزرا نے پاکستان اور سعودی عرب کے درمیان تاریخی اور برادرانہ تعلقات کو سراہتے ہوئے باہمی مفاد پر مبنی اقتصادی تعلقات کو مزید گہرا کرنے، دو طرفہ تجارت کو فروغ دینے اور کلیدی شعبوں میں سرمایہ کاری کی سہولت فراہم کرنے کا عزم کیا۔ سعودی وزیر نے توانائی کے شعبے میں اصلاحات کے حوالے سے اپنے تجربات بھی شیئر کیے۔ دونوں رہنمائوں نے باہمی دلچسپی کے شعبوں میں تعاون کے فروغ، باہمی اقتصادی تعلقات کو مزید مضبوط بنانے کے لیے مشترکہ کوششوں پر اتفاق اور دو طرفہ تجارت کو بڑھانے کے ساتھ ساتھ اہم شعبوں میں سرمایہ کاری کے مواقع کو فروغ دینے کے عزم کا اظہار کیا۔ ان کا کہنا تھا کہ اس طرح کے اقدامات دونوں ممالک کی معیشتوں کی ترقی میں اہم کردار ادا کریں گے۔
وزیر خزانہ محمد اورنگزیب سے ورلڈ بینک اورآئی ایم ایف کی سالانہ میٹنگز کے موقع پر){kind=link}